Yaponiya yalısında karantinde turğan Diamond Princess kruiz laynerinde ekimler Diamond Princess gemisinde 70 yañı koronavirus yuqumu adisesino tasdıqladı. Bunı NHK telekanalı haber ete.
Şimdilik yuqumlanğan adamlarnıñ umumiy sayısı 355-tir. Umumen gemide 3 700 adam bar.
Fevralniñ 14-ünde Yaponiya akimiyeti Diamond Princess gemisinden qısmen adamlarnı tahliye etip başladı. 80 yaşından büyük olğan, sağlıqları zayıf olğan ve penceresiz odalarda yaşağan yolcularğa gemini terk etmege izin berdiler.
Tünevin Diamond Princess gemisinde ekinci ukrainde 2019-nCoV koronavirusı qayd etildi. Fevralniñ 9-ında Diamond Princess gemisinde birinci ukrainde 2019-nCoV koronavirusı qayd etildi, onı gemiden tahliye ettiler.
Fevralniñ 15-inde saba olğan malümatqa köre, Qıtayda koronavirustan ölgen adamlarnıñ sayısı 1523-ke yetti. Umumen memlekette 66 492 adam hastalandı, olardan 18 fayız, yani 11 biñge yaqın, ağır alda.
Bütündünya Sağlıq Teşkilâtınıñ (BST) konsultatnı Ayra Longini söylegenine köre, dünya ealisiniñ üçte ekisiniñ yañı bir koronavirusqa yoluqa bile.
Çinniñ Hubei vilâyetinde 242 ölüm ve 14 840 koronavirus hastalığı adisesi aqqında bildirdiler. Bu diagnostikanıñ metodologiyası deñişkeninden soñ oldı.
2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.
