Link açıqlığı

Saatnıñ esas haberi

DST ekspertleri: insaniyetniñ üçte ekisi koronavirusqa oğray bile


Çinde koronavirus infektsiyası allarınıñ sayısınıñ keskin bir sıçrayışı fonunda alimler dünya ealisiniñ üçte ekisiniñ yañı bir koronavirusqa yoluqa bilecegi ihtimalını haberdar eteler. Azatlıq Radiosı haber ete ki, bu fikri Bloomberg agentligine Bütündünya Sağlıq Teşkilâtınıñ (BST) konsultatnı Ayra Longini söyledi.

Çinde virusnıñ yayılmasını izlegen Longininiñ sözlerine köre, hasta olağan er bir adam umumen infeksiyasını eki-üç üç adamğa keçire. Bütündünya Sağlıq Teşkilâtınıñ konsultantı qayd etti ki, tez testlerniñ olmaması ve bazı infektsiyanıñ taşıyıcıları koronavirusun yengil simptomlarını köstermesi sebebinden, hastalıqnıñ yayılmasını izlemek qıyın ola bile. Onıñ fikrince, hastalarnıñ izolâtsiya etilmesi ve karantini koronavirusnı toqtatıp olamazlar. Ancaq BST saya ki, Çinde becerilgen tedbirler dünyanıñ qalğan qısmına infeksiyağa qarşı küreşke azırlanmaq içün vaqıt bere.

Al-azırda tek Çinde koronavirus infektsiyasına yoluqanlarnıñ sayısı 64 biñge yaqınlaşa. Tünevin ülkede beş biñden çoq yañı yoluqma adisesi qaydğa alındı. 1380 adam koronavirus infektsiyasından öldi, tahminen 7 biñ tedaviylendi.

Çinniñ tışında 500-den çoq insan hastalandı. Covid-19 virusına yoluqanlarnıñ tahminen yarısı Yaponiyadadır.

2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.

XS
SM
MD
LG