Fevralniñ 15-inde saba olğan malümatqa köre, Qıtayda koronavirustan ölgen adamlarnıñ sayısı 1523-ke yetti, haber ete South China Morning Post. Umumen memlekette 66 492 adam hastalandı, olardan 18 fayız, yani 11 biñge yaqın, ağır alda, haber ete Azatlıq Radiosı.
Fevralniñ 14-de Rusiye ile Çin arasında çarter reyslerine yasaq ükümsürip başladı. Rusiyede resmiy malümatqa köre, al-azırda hastalar yoq.
Bütündünya Sağlıq Teşkilâtınıñ (BST) konsultatnı Ayra Longini söylegenine köre, dünya ealisiniñ üçte ekisiniñ yañı bir koronavirusqa yoluqa bile.
Çinniñ Hubei vilâyetinde 242 ölüm ve 14 840 koronavirus hastalığı adisesi aqqında bildirdiler. Bu diagnostikanıñ metodologiyası deñişkeninden soñ oldı.
2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.
