Avgustnıñ 3-ünde Aqmescitte “Strelkovaya” “narazlıq meydanı”nıñ faalcisi öz-özüni yaqmağa tırıştı, - dep haber ete Qırım.Aqiqatnıñ muhbiri.
“Narazlıq meydanı”nıñ qırımtatar faalcilerinden birisi, üstüne yanıcı şingenlik töküp, öz-özüni yaqtı. Amma yanında toplanğan adamlar aqaynıñ yanıp başlağan urbasını tez söndürdi. Yaquvdan evel, aqay akimiyetniñ zulum areketlerine qarşı öz-özüni yaqacağını ilân etti.
“Strelkovaya” “narazlıq meydanı”nıñ sakinleri avgustnıñ 3-ünde Kreml nezareti altındaki Aqmescit şeer memuriyetine kelip, akimiyet ile körüşüvni talap etti, - dep haber ete Qırım.Aqiqat muhbiri.
Daa oquñız: «Narazlıq meydanı»nıñ iştirakçileri Avropa İnsan Uquqları mahkemesine muracaat etcek - faalci
Avgustnıñ 2-sinde rusiye quvetçileri, yerli sakinler qora qoyulmasına qarşı narazlıq köstergen, “Krımskaya roza” rayonınıñ qurulacaq yerine keldi.
Qırımtatarlar ev qurğan “Strelkovaya” “narazlıq meydanı”nıñ yerinde yañı 9 biñ adamlıq rayon qurmağa isteyler. Mesken evlerden ğayrı, mektepler, bala bağçaları, spor meydanları ve tükânlar qurmağa azırlanalar. Şimdilik anda esasen avdetçiler (repatriant) yaşay.