Link açıqlığı

Saatnıñ esas haberi

«Narazlıq meydanı»nıñ iştirakçileri Avropa İnsan Uquqları mahkemesine muracaat etcek - faalci


“Strelkovaya” narazlıq meydanınıñ sakinleri, 2018 s. avgust 2
“Strelkovaya” narazlıq meydanınıñ sakinleri, 2018 s. avgust 2

“Krımskaya roza” rayonınıñ qurulacaq yerinde olğan “narazlıq meydanı”nda bulunğan adamlar Avropa İnsan Uquqları mahkemesine muracaat etmege niyetlene, dep haber etti Qırım.Aqiqat Radiosınıñ efirinde faalci Zamir Anarbayev.

O hatırlattı ki, yerli sakinler endi eki yıl devamında qurdurıcınıñ vekilinen mahkemeleşe.

Anarbayevniñ aytqanına köre, şimdilik vesiqalar Moskova Kassatsion mahkemesinde. Faalciler bütün rusiye mahkemelerini keçmege azırlar, çünki onsız Avropa İnsan Uquqları mahkemesinde dava açmağa imkân yoq.

“Şimdi men añlamayım - ne içün olar (işçiler – Q.A.) biz yaşağan meydannıñ qapatmasını başladı. Çünki biz Moskovağa bergen kassatsion şikâyeti alâ daa mahkemede baqıluvda buluna”, - dedi o.

Oquñız: «Endi «kazak»lar da mında peyda oldı». Aqmescitte «narazlıq meydanı»na rusiye quvetçileri keldi (+video)

Anarbayev, faalciler aqlarını “tek mahkemelernen” qorçalacağı ve “küç mucadele qullanmacaqlarını” qayd etti.

Avgustnıñ 2-sinde rusiye quvetçileri, yerli sakinler qora qoyulmasına qarşı narazlıq köstergen, “Krımskaya roza” rayonınıñ qurulacaq yerine keldi.

Qırımtatarlar ev qurğan “Strelkovaya” “narazlıq meydanı”nıñ yerinde yañı 9 biñ adamlıq rayon qurmağa isteyler. Mesken evlerden ğayrı, mektepler, bala bağçaları, spor meydanları ve tükânlar qurmağa azırlanalar. Şimdilik anda esasen avdetçiler (repatriant) yaşay.

XS
SM
MD
LG