Cuma künü, avgust 28-inde yırcı Camala Kyiv Nebatat bağçasında open air kontsertinde çıqışta bulundı, bildire Qırım.Aqiqat mühbiri.
O, ukrain yırcı Dmitriy Şurov ("Pianoboy"nıñ lideri) ile yañı "Endorfinı" adlı türküsini taqdim etti.
Bundan ğayrı o "1944" ve "Evge yol" ("Şlâh dodomu") türküleri ile biske çıqtı.
Daa evel Jamala avgustnıñ 28-nde Kyivde doğğan künü munasebetinen olacaq kontsertine davet etti. Jamalanıñ bu open-air kontserti – ekinci oğlu Selim-Geray doğğan soñ ilk büyük çıqışıdır.
Kyivde avgustnıñ 22-nde, Devlet bayrağı künü munasebetinen, eñ büyük Ukraina bayrağı köterildi, merasim vaqtında qırımtatar asıllı yırcı Jamala devlet gimnini icra etti.
Onıñ fikirince, online rejimde kontsert artistlerge canlı kontsertler vaqtında insanlarnen olğan bağını berip olamaz. Qıyınlıqlarğa baqmadan, Jamala karantin vaqtında taqımından kimseni işten boşatmadı, dep bildire.
Karantin sebebinden çoqusı artistniñ muzıka faalligi İnternetke keçti. Martnıñ 24-nde Jamala online kontsertini berdi. Yırcınıñ resmiy Instagram ve Facebook saifelerinde canlı yayın oldı.
