Link açıqlığı

Saatnıñ esas haberi

Jamala ekinci oğlu dünyağa keldi, dep bildirdi


Jamala
Jamala

Qırımtatar asıllı ukrainalı yırcı Jamala (Susana Camaladinova) ve aqayı Seit-Bekir Suleymanovnıñ qorantasında iyünniñ 19-nda ekinci oğulları dünyağa keldi.

Bu aqta Jamala Instagram saifesinde haber etti.

Yırcınıñ aytqanına köre, bala tahmin etilgen künde doğdı.

«Ekinci şahzadem – Selim-Giray Seit-Bekir Oğlu Suleymanov! 19.06 künü eñ punktual bala (statiskağa köre, 4%-ğa kire, çünki tahmin etilgen künü doğdı) doğdı», – dep paylaştı Jamala.

2018 senesi mart ayında Jamala ve aqayınıñ ailesinde birinci evlâtları Emir-Rahman Seit-Bekir oğlu Suleymanov dünyağa keldi.

Qırımtatar asıllı ukrainalı yırcı Jamala 2016 senesi İsveçiyada «Eurovisionda» ğalip çıqtı. O, qırımtatar halqınıñ sürgünligini tarif etken «1944» yırını icra etti. Ukrainalı yırcı ğalebe qazanğan soñ 2017 senesi yarış Kyivde keçirilgen edi.

Daa evel ukrainalı yırcı Jamala Eurovisionda icra etken «1944» yırı içün YUNA «20 yılnıñ 20 müim yırı» mukâfatını aldı, dep bildirdi.

2019 senesi dekabrniñ 19-nda Jamala yazğan aynennisini yazdı. Yırnıñ eki versiyası yazıldı – oğlanlar ve qızçıqlar içün.

XS
SM
MD
LG