Noyabr 7-sinde qırımtatar rejissör Nariman Aliyevniñ "Evge" filmi numayış etildi. Ukrainada resmiy taqdimden evel o, "Ecnebiy tilde film" kategoriyasında "Altın globus" mükâfatınıñ uzun cedveline (long list) kirdi, ve "Halqara uzun film" kategoriyasında "Oscar" Amerika kino mukâfatınıñ uzun cedveline kirdi.
Radio Svoboda, içtimaiy ağlardan filmge ilk tefsirlerni topladı - bazılar tüşüncege daldı, birv ilhamlandı, başqaları ise muğaydı. Artıq bir çoq internet qullanıcısı bu filmni, 2019 yılda seyir etilme kerek olğan film olaraq belgiledi.
Bu filmge daa barmağan olsañız, sizge bir qaç argument ketireyik. Ve spoler yapmacaqmız, dep söz beremiz.
Süjetke köre, baş qaraman Mustafanıñ (bu rolni qırımtatar asıllı ukrainalı oyuncı ve rejissör Ahtem Seitablayev – QA) büyük oğlu Ukraina şarqındaki cenkte elâk ola. O, onı vatanda, Rusiye işğal etken Qırımda defin etmege qarar ala. Küçük oğlu ve elâk olğan oğlunıñ naaşınen beraber Mustafa yarımadağa yol ala.
«Evge» filminiñ ilk taqdimi mayıs 22-sinde Cannes festivaliniñ «Ayrı bir baqış» yarış programmasında yapıldı.
Kyivde ilk tantanalı numayış noyabr 5-inde oldı. Tefsirlerinen paylaşqan birincilerde rejissör ve sabıq siyasiy mabüs Oleğ Sentsov edi: "Bediiy taraftan bir qaç qusur tapmaq mümkün, daa doğrusı - qabartmalarnı, amma men bunen oğraşmaycağım. Bu filmnen Ukraina ğururlana bile, Cannes festivaliniñ ekinci yarışına saylav da bunı isbatlay".
Halq mebus ve çalğıcı Svyatoslav Vakarçuk, "Evge" filmini kazak halq destanına oşattırdı.
Ukraina siyasiy erbap Emine Cepparnı film, ukrainlerniñ ve qırımtatarlarnıñ munasebetleri aqqında tüşünmege ilhamlandırdı: "Menimce, qırımtatarlar aqqında daa çoq rusiye uydurmalarını yıqmağa kerek olacaq. Ukraina ve ukrainler aqqında kibi".
Yırcı Camala, "Evge" filmi - bu yıl mıtlaq baqılmaq kerek olğan filmdir, dep ayttı.
Publitsist Nadiya Balovsâk, filmni ağrı duyğusınen qıyaslar: "Bu ağrı aqqında kino. Ve onı baqmaq ağır. Çunki o tarif etken ikâye, alâ daa pek ağıra. Qırımnı terk etkenlerde de. Qardaşlarını ve tuvğanlarını defn etkenlerde de. Aqçanen yardım etkenlerde de. Çoqusında".
Jurnalist Sevgil Musayeva, bu film - ana-babalar ve balalar aqqında bir ikâye, dep yazdı.
Jurnalist Kristina Berdinskih, film teessuratınen ve müellifi aqqında ikâyenen paylaştı.
Amma, seyircilerniñ çoqusı, kinoteatrlerde seanslarnı tapmaq qıyın olğanına şikâyet ete edi.
Ve aktörlarnıñ qarardan ziyade edebiyleştirilgen ukrain tiline.
Umumen, içtimaiy ağlardaki tefsirlerniñ çoqusı müsbettir...
