Keçken afta devamında Qırımda 14 yol qazası ve 81 yanğın yüz berdi, dep bildire Rusiye FVN-niñ Qırım idaresi.
Müessiseniñ malümatına köre, yol qazalarında 20 adam qurtarıldı.
Matbuat hızmeti daa qayd etti ki, dağ-orman mıntaqasında dört qıdıruv-qorçalav operatsiyası keçirildi.
Qırımda aprel 1-inden yüksek yanğın telükesi rejimi ilân etildi.
Daa evel yılnıñ başından Qırımda yanğınlarda elâk olğanlarnıñ sayısı eki kere arttı, dep bildirilgen edi.
2019 senesiniñ başından berli Qırımda quru otnıñ 160-dan ziyade yanğını çıqqanı qayd etildi, dep bildire Rusiye FVN-niñ Qırım idaresi.
Avgustnıñ 11-inde üyleden soñ Üç Qoş deresinde yanğın başlandı. Fevqulade vaziyetler hızmetiniñ (FVH) haber etkenine köre, yanğın uzaq dağlıq yerinde, 45-80 derecelik bir bayır capında başlandı. Ateşniñ söndürmesine, derede 15-20 m/s qadar köterilgen küçlü yel mania ola.
