Link açıqlığı

Saatnıñ esas haberi

Balalarımıznıñ yardımımızğa ihtiyacı bar


Qırımlı siyasiy mabüs Vadim Siruknıñ büyük qızı Amina Siruk babasına mektüp yaza
Qırımlı siyasiy mabüs Vadim Siruknıñ büyük qızı Amina Siruk babasına mektüp yaza

Soñki künleri nefes almaq hususan zor. Ava, ava basımı, ava dımlığınıñ alâqası yoq.

Ekisi işkencege oğratılıp, «itiraf etmelerine» mecbur etilgen üç qırımtatarınıñ apiske alınması, körgenlerinen ve daa neler köreceklerinen bağlı fikirler, er kesniñ başına kele bilecegini añlağanımızdan nefesimiz tutula.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

Apiske alınğanlarnıñ qorantaları nasıl yaşay? Tasavvur etmek bile qorqunç. Bir şey yapamağanından da qorqasıñ, çünki yapa bilecek tek bir şeyiñ bar – olarnıñ dualarına qoşulmaq. Amma elimizden kelgen şeyler de bar: yahşı söz, maneviy qoltutuv. Babaları sağ olsa da, öksüz qalğan balalarımızğa biraz yardım ete bilemiz, mektep taqımı, oyuncaq, urba ala bilsinler.

Er kesniñ başına kele bilecegini añlağanımızdan nefesimiz tutula

«Bizim balalar» çağına yetmegen 197 balanı baqa. Soñki yedisi – Nariman Celâl, Aziz ve Asan Ahtemovlarnıñ balaları. Narimannıñ qorantasında onı 4 balası bekley: Adile, Emine, 5 yaşında Cemil ve bir yaşını tolduracaq Nial. Aziz Ahtemovnıñ qızı Asiye de pek kiçik – daa 2 yaşını toldurmadı. Asan Ahtemovnıñ üç balası bar: 7 yaşında Refat ve 3 yaşında Safiye.

Babasız qalğan qırımtatar mabüsleriniñ ailelerine köstergen yardımımız paylaşqan dertimizniñ bir timsali olsun. Olarnen paylaşqan ümütimizniñ bir timsali olsun, Allah balalarımıznı ve babalarını qorusın.

«Bizim balalarnıñ» bank esabı yoq, daa evel para kelgen şahsiy kartlar ise qapatıldı. Halqımız on yıllarnen qullanğan usulğa qaytmağa mecburmız – el-elden yardım yollaycaqmız. Genç faallerge muracaat etem: bu işni boynuñızğa alıñız. «Bizim balalarnıñ» göñüllileri oluñız.

«Bloglar» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün

Anğara köyündeki «gaz borusında diversiya» davası

Sentâbrniñ 3-4-nde Qırımda Rusiye quvetçileri tintüvler keçirip, beş insannı tuttı. Olar arasında qırımtatar siyasetçisi ve faali Nariman Celâl bar. Eki doğmuş qardaşlar Aziz ve Asan Ahtemovlar eki ayğa apiske alındı, Azizniñ babası Eskender Ahtemov 10 künge apiske alındı. Asan Ahtemovnıñ qardaşı Arsen 15 künge apiske alındı. Kreml kontrolindeki Kiyev rayon mahkemesi qırımtatar siyasetçisi ve faali Nariman Celâlnı eki ayğa – noyabrniñ 4-ne qadar apiske aldı. Nariman Celâl bütün qabaatlavlarnı inkâr ete.

Sentâbrniñ 7-nde TASS Rusiye malümat agentilgi Rusiye FSB-sine atfı etip, Aqmescit civarındaki Anğara (Perevalnoye) köyü yaqınlarında gaz borusında diversiya yapqanından şübheli sayılğanlar qabaatını itiraf etkenler, dep bildirdi. FSB yayınlağan videoda eki ekrek kimden talimat alğanlarını ve Anğara köyünde gaz borusınıñ patlatılmasını nasıl teşkil etkenlerini tafsilâtlı aytıp berdi.

FSB, diversiyanı Ukraina Mudafaa nazirliginiñ Baş istihbarat idaresi teşkil etti, dep israr ete.

Ukraina Mudafaa nazirliginiñ baş istihbarat idaresi Rusiye FSBsiniñ qabaatlavını «bir maqsadı olğan provokatsiya» olaraq köre.

Ukraina akimiyeti qırımtatar faalleriniñ tutuluvı ve apiske alınuvını avgustnıñ 23-nde Kyivde keçirilgen «Qırım platformasınıñ» sammitinen bağlay.

Ukraina ombudsmanı Lüdmila Denisova Qırımda insanlarnıñ apiske alınması sebebinden BM İnsan aqları Yuqarı komissarı Michelle Bacheletke muracaat etti.

Sentâbrniñ 3-4-nde Qırımdaki faallerniñ evlerinde keçirilgen tintüvler ve tutuvlardan soñ Qırım Muhtar Cumhuriyeti ve Aqyar prokuraturası cinaiy tahqiqat başlattı.

XS
SM
MD
LG