Bağçasarayda «qırımtatar siyasiy mabüslerge mektüpler aqşamı» olıp keçti. Bunı Qırım birdemligi» cemaat birleşmesi haberr etti.
Berilgen malümatqa köre, mektüplerde adamlar apiste tutulğan semetdeşlerine destek bildireler.
«Mektüpler aqşamı Qırımdaki siyasiy mebüslerge destek içün yañı bir teşebbüstir. Cezahane ve SİZO adreslerini "Qırım birdemliginiñ saytında tapmaq mümkün. Siyasiy mabüsler ve Sohiba Burhanova içün 150-den ziyade mektüp yazıldı», – dep yazıla bildirmede.
Qırımlı siyasiy mabüslerniñ azat etilüv meselesi tamamınen toqtatılğan. Putin ile vastasız aytışuvlar kerek –Zelenskıy.
Qırımnıñ Rusiye başı Sergey Aksönov Qırımda «kesen-kes» siyasiy mabüsler yoq, dep bildirdi.
Ukraina Tış işler naziri Dmıtro Kuleba sentâbrniñ 6-nda Ukrainanı ziyaret etken Amerika kongressmenlerine Qırımda keçirilgen yañı tintüv ve tutuvlar aqqında tarif etip, olarnı yarımadada basqılarnı toqtatmaq maqsadınen Kremlge qarşı basqı quvetleştirüvde yardım etmelerine çağırdı.
Ukraina ombudsmanı Lüdmila Denisova Qırımda insanlarnıñ apiske alınması sebebinden BM İnsan aqları Yuqarı komissarı Michelle Bacheletke muracaat etti
