Link açıqlığı

Saatnıñ esas haberi

Avropa mahkemesi Rusiyeni Edem Bekirovnıñ mustaqil tibbiy baqınuvını keçirmege mecbur etti


Edem Bekirov, arhiv fotoresimi
Edem Bekirov, arhiv fotoresimi

Avropa insan aqları mahkemesi Rusiye ükümetini silâ ve patlayıcı maddelerni saqlağanında qabaatlanıp, 2018 senesi dekabrniñ 13-nden berli Aqmescit SİZOsında tutulğan qırımtatar faali Edem Bekirovnıñ mustaqil tibbiy baqınuvını keçirmege mecbur etti. Bu aqta advokat Aleksey Ladin Qırım.Aqiqat mühbirine tarif etti.

Muarririyetniñ elinde olğan Avropa insan aqları mahkemesiniñ 2019 senesi iyünniñ 10-nda çıqqan beyanatında Bekirovnıñ sağlıq problemleri boyunca «mustaqil ve tecribeli ekimler» ayrı hulâsalar çıqarmalı, dep aytıla.

«Bu mustaqil tibbiy hulâsalarda al-azırda davacığa (Bekirovğa – QA) kösterilgen tibbiy yardım onıñ sağlıq problemlerine uyğunmı ve apiste tutuv sıñırlav tedbiri olaraq kelişemi dep qayd etilmeli», – dep aytıla qararda.

Advokat, Avropa insan aqları mahkemesiniñ beyanatına esaslanıp, Kreml kontrolindeki Qırım prokuraturası, Aqmescit SİZOsınıñ reberligi ve Bekirov tutulğan tibbiy bölük yolbaşçısına muracaatta bulundı.

«Bekirovnıñ SİZOda tutulması içün mania olğan ükümet cedvelindeki nevrologik hastalığı bar olğanını tahmin etmek içün sebepler bar. Şu sebepten Bekirovnıñ nevropatolog, endokrinolog, hirurg, kardiolog, onkolog ve hirurg-ortoped tarafından baqılmasını acele temin etmege rica etem», – dedi Ladin.

İyünniñ 11-nde Avropa insan aqları mahkemesi Qırımda silâ ve patlayıcı maddelerni saqlağanında qabaatlanğan qırımtatar faali Edem Bekirovnıñ davası boyunca qarar çıqardı. Mahkeme onıñ hastahanege acele yatqızılmasını talap etti.

Daa evel Avropa insan aqları mahkemesiniñ qararına baqmadan, Qırımdaki Rusiye Federal telükesizlik hızmeti idaresiniñ üyken tahqiqatçısı İvan Romanets işğal etilgen Qırımnıñ Aqmescit SİZOsında tutulğan qırımtatar faali Edem Bekirovnı hastahanege yatqızmağa razı olmağanını bildirgen edi.

Qırımnıñ Rusiye prokuraturası FSBniñ Bekirovnı hastahanege avuştırmamaq qararına qoltuttı.

Herson vilâyetindeki Novooleksiyıvka qasabasınıñ sakini Edem Bekirov dekabrniñ 12-nde saba Qırım kirişinde Rusiye uquq qoruyıcıları tarafından tutıldı. O, 78 anasını ve aqrabalarını ziyaret etmek içün Qırımğa ketti. Daa soñra onı Aqmescitteki Rusiye FSB binasına alıp ketkenler. Kreml kontrolindeki Aqmescitniñ Kiyev rayon mahkemesi Bekirovnı eki ayğa apiske aldı.

Advokat Aleksey Ladinniñ bildirgenine köre, Bekirov Rusiye Ceza kodeksiniñ 222-nci maddesiniñ 2-nci qısmı ve 222.1-inci maddesiniñ 2-nci qısmı boyunca (patlayıcı madde ve patronlarnı saqlav ve berüv) şeklene. Uquqçı Lilâ Gemeci qayd etkenine köre, faal 10 kilogramm trotil ve 190 muarebe patronını taşuv ve tarqatuvda qabaatlana.

XS
SM
MD
LG