Avropa Birligi Rusiyege qarşı 19-ncı sanktsiyalar paketini azırlay ve bir qaç variantnı baqa. Bu aqta arman ayınıñ 29-nda Kopengagende jurnalistlerge AB tış işler Yuqarı temsilcisi Kayya Kallas bildirdi, dep haber ete Azatlıq Radiosınıñ mühbiri.
"Mında bir qaç variant bar. Elbette, energetika saasında er angi sanktsiyalar olarğa daa çoq zarar ketirecek. Em de, meselâ, amerikalılar tayin etken bütün ekinci sanktsiyalar. Bu, maliyeviy hızmetlerge de tesir etecek, ve bu, olarğa kerekli olğan sermiyağa irişmege imkân bermeycek", — de pqayd etti Kallas.
O, ilerideki sıñırlavlar içün kerek olğan bütün aza devletleriniñ destegini nasıl qazanmaq mümkün olğanı aqqında soralğanda, memur, "muzakereler devam ete", dep qayd etti. Onıñ aytqanına köre, "er kes añlay ki, Putinniñ barışıq ıntıluvlarına yapılğan tecavuzından sebep, basqı — yekâne şey".
Arman ayınıñ 29-nda Kopengagende keçirilecek resmiy olmağan toplaşuvda AB devletleriniñ mudafaa nazirleri Ukrayinağa destekni arttırma yollarını muzakere etecekler. Kallasnıñ aytqanına köre, Ukrayinağa silânıñ berilmesini tezleştirmek ve ava mudafaasınıñ qıdıruvı aqqında söz yürsetilecek.
