Aqyarnıñ işğal yolbaşçısı Mihail Razvojayev Severnıy mol civarında Rusiye ava mudafaası talimleriniñ keçirilgenini bildirdi
"Şimdi Severnıy mol civarında Ava mudafaası quvetleri talimler keçire. Şeerde er şey tınç", - dep yazdı Razvoljayev telegram kanalında.
Evel Razvojayev Aqyar sakinleriniñ saba saatlarında şeerde paltlavlar eşitkeni aqqında malümatına cevap olaraq, "PPDO faydasına qorçalayıcı işler" keçirilgenini bildirdi.
Martnıñ 22-nde Qırım.Aqiqat mühbiri bildirgenine köre, Qırım ve Aqyarda radioda tahliye ve telüke signalı tevsiyeleri aytıldı. Qırımnıñ Rusiye akimiyeti ve Rusiye tarafdarı olğan blogerler bunı «bozıp açuv» dep adlandırdı.
Qırım.Aqiqat mühbiriniñ malümatına köre, Aqyarda saba küçlü patlavlar eşitildi. Deñiz yolcu naqliyatı işini toqtattı. Rusiye Qara deñiz flotuna deñiz dronlarınen ücüm etildi, dep bildirdi Aqyarnıñ Rusiye yolbaşçısı Mihail Razvojayev.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayıina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
