Aqyarda koronavirus sebebinden martnıñ 19-ından başlap bütün mektepler qapala. Bu Rusiye nezaretindeki şeer ükümetiniñ saytında derc etildi.
"Yarın balalar soñki kün oquycaq, çarçenbe künü - bayram künü, cumaaqşamı ve cuma künleri ise distantsion oquş teşkil etilecek. Bazaretesi künü, martnıñ 23-ünden başlap mektepler tatilge çıqa. Böylece, vaziyetni közetmek içün daa bir aftamız olacaq", - dedi Aqyar şeer başı Mihail Razvojayev.
"Aqyar devlet universiteti" koronavirus sebebi ile martnıñ 17-sinden başlap distantsion ögretüvge keçe.
Martnıñ 16-sından başlap Aqmescitte Vernadskiy adına Qırım Federal Universitetinde COVID-19 koronavirusınıñ yayılması sebebinden distantsion oquş rejimi kirsetile.В Крыму выпустили рекомендации для тех, кто прибыл из стран, где есть коронавирус.
Martnıñ 12-sinde Dünya sağlıq teşkilâtı koronavirus pandemiyasını ilân etti.
Yañı çeşit koronavirus yuqunçı 2019 senesi dekabr ayında Qıtayda tarqalıp başladı.
2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.
