Link açıqlığı

Saatnıñ esas haberi

Aqyarda kene patlav oldı, Rusiye akimiyeti poligonda Fevqulâde vaziyetler nazirligi çalışa, dep haber ete


Mihail Razvojayev
Mihail Razvojayev

Aqyarda saat 14:21-nde patlavğa oşağan bir ses eşitildi, dep haber ete Qırım.Aqiqat mühbiri. Rusiye kontrolindeki şeer yolbaşçısı Mihail Razvojayev Rusiye Federatsiyasınıñ Fevqulâde vaziyetler nazirligi poligonda çalışa, dep bildirdi.

«Qara-Qoba rayonında Fevqulâde vaziyetler nazirligi Ulu Vatan Cenki vaqtından qalğan silânı yoq etti. Böyle tedbirler muntazam sürette (aftada eñ az eki kere) yapıla, şunıñ içün müessise evelden haber etmey. Şeerde tınçlıq», – dep yazdı Razvojayev Telegram kanalında.

Martnıñ 22-nde Qırım.Aqiqat mühbiri bildirgenine köre, Qırım ve Aqyarda radioda tahliye ve telüke signalı tevsiyeleri aytıldı. Qırımnıñ Rusiye akimiyeti ve Rusiye tarafdarı olğan blogerler bunı «bozıp açuv» dep adlandırdı.

Qırım.Aqiqat mühbiriniñ malümatına köre, Aqyarda saba küçlü patlavlar eşitildi. Deñiz yolcu naqliyatı işini toqtattı. Rusiye Qara deñiz flotuna deñiz dronlarınen ücüm etildi, dep bildirdi Aqyarnıñ Rusiye yolbaşçısı Mihail Razvojayev.

2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayına uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksenov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG