Aqyarda sentâbrniñ 24-nde 19 yañı COVID-19 hastası qayd etildi, dep haber ete şeerniñ Rusiye ükümetiniñ matbuat hızmeti.
Qayd etilgenine köre, epidemiya başlağanınen şeerde 907 insan koronavirusqa oğradı. Yañı hastalar – 25 yaşından 82 yaşına qadar, episi – yerli sakinler.
Berilgen malümatqa köre, bir künde şeer hastahanelerinden sekiz kişi tüzelip çıqarıldı. Sentâbrniñ 25-nde saba 252 koronavirus hastası hastahanede buluna. 597 insan tüzeldi, 25 kişi vefat etti.
Hatırlatamız, Aqyarda sentâbrniñ 23-nde 23 insan koronavirus yuqunçına oğradı.
Sentâbrniñ 24-nde Qırımda 84 koronavirus hastası qayd etildi.
Rospotrebnadzor, Qırımda koronavirus hastalarınıñ sayısı arta, dep qayd etti.
Rusiye kontrolindeki Qırım akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
