Aqmescitte "Volkswagen Passat" yengil maşnası aqaynı cayav keçitinde maşna aqaynı urıp öldürdi. Bunı Rusiye İçki işler nazirliginiñ Qırım idaresi bildire.
"Maşna aydavcısı, 1992 senesi doğma qız, Mamaq köyünden Glinka soqağı tarafına ketkende, 1962 senesi doğma piyadeni bastı", - denile beyanatta.
Rusiye polisi qaza sebebinden teşkerüv keçire ve onıñ neticesinde bir usul qararı berilecek.
Qırımda Ermeni Bazar-Canköy-Kefe-Keriç yolunda "VAZ" maşnası ve traktor çatıştı - yengil maşnanıñ aydavcısı elâk oldı.
Oktâbr 19-ında Aqmescitte Mitsubishi maşnasınıñ aydavcısı eki piyadeni urdı.
Bundan evel Aqmescitte Lada maşnasınıñ aydavcısı, yolnı üçfenersiz cayav keçitinden keçken mektep talebesini urdı.
Qurtarıcılar Qırımda ciddiy yol qazalarınıñ sayısı arttı, dep bildirgen edi. Qırımda 2019 senesiniñ ilk üç ayında keçken senege baqqanda bir buçuq qat ziyade aydavcı mesüliyetke çekildi.
