Link açıqlığı

Saatnıñ esas haberi

Aqmescitte yol qazası: aydavcı eki piyadeni urdı


Aqmescitte Mitsubishi maşnasınıñ aydavcısı oktâbr 19-ında eki piyadeni urdı, dep bildire Rusiye İçki İşler Nazirliginiñ ilhaq etilgen Qırımda idaresi.

Müessisege köre, adamlar qazada yaralandı ve olarnı hastahanege qoydılar.

"Kiyevskaya soqağıdan Gonçarova soqağına taraf ketken maşna, Bespalova soqağında 1983 senesi ve 1984 senesi doğma piyadelerni urdı, olar, qaldırım olmağanı içün, qarşı yolaqta yol çetinden kete edi. Qaza neticesinde piyadeler yaralandı. Qaza yerine Devlet avtomobil teftişi (DAT) taqımı ketti", - denile beyanatta.​

Rusiye polisi qaza sebebinden teşkerüv keçire ve onıñ neticesinde bir usul qararı berilecek.

Bundan evel Aqmescitte Lada maşnasınıñ aydavcısı, yolnı üçfenersiz cayav keçitinden keçken mektep talebesini urdı.

Qurtarıcılar Qırımda ciddiy yol qazalarınıñ sayısı arttı, dep bildirgen edi. Qırımda 2019 senesiniñ ilk üç ayında keçken senege baqqanda bir buçuq qat ziyade aydavcı mesüliyetke çekildi.

XS
SM
MD
LG