Aqmescitte Bala parkında tış yarıqlatuvnı qurıp başladılar ve bir afta devamında işlerni bitirecek olalar. Bunı, müessise müdiri Anton Yakuleviçke atıf etip, şeerniñ rusiyeli memuriyetiniñ matbuat hızmeti bildirmekte.
"Brigantina" oyun meydançığınıñ yanında elektrik kabel qoyulması başlandı. Musafirlerimiz mında çoqusı alda Şmidta soqağı tarafından yeşil alleyalardan keçip kele. Bu yol parçasınıñ yarıqlatuvı asıl yoq. Şimdi ise soqaqlar ve oyun meydançığı kenarlarında 25 soqaq feniri qoyulacaq", - dep yaza Yakulevicniñ sözlerinden Aqmescit memuriyetiniñ matbuat hızmeti.
Bundan ğayrı, müessisege köre, attraktsionlar meydançığında da tamir işleri yapıla.
Bundan evel Aqmescit akimiyeti, aftanıñ soñuna qadar Küçük Salğırnıñ yatağını temizlep bitirecek edi.
Mayıs 29-ında Aqmescit akimiyeti, Salğır yalısınıñ temelli tamiri başlanğanını bildirgen edi. Daa evel tender neticelerine köre, tamir işlerini yapacaq şirket kibi “Asgard” işhanesi saylandı. Evelce bu işhane “nezaketli insanlar”ğa abide qoyğan edi ve Puşkina soqağınıñ bir qısmını tamir etken edi.
