Aqmescitte aftanıñ soñuna qadar Küçük Salğırnıñ yatağını temizlep bitirecek olalar.
Bunı Rusiye nezaretindeki şeer memuriyeti bildire.
"Asgard" şirketiniñ baş müdiri İgor Anatskiyniñ aytqanına köre, işniñ 99%-ı yapılğan.
"Küçük Salğırnıñ yatağını temizlep bitiremiz. Şimdi Silivanova soqağı ve demiryol vokzalı yanında işler yapıla. Aftanıñ soñunace bitirecek olamız", - dedi o.
Salğır ve Küçük Salğır yalı kenarınıñ temelli tamirleviniñ üçünci qısmınıñ başlığı Andrey Mâsoyedov bildirgeni kibi, Küçük Salğır özeni boyu qaldırım taşınıñ töşemesi de bitip tura.
"Qaldırım taşınıñ99 fayızı töşeldi. İş soñuna kele, küçük qısımlar qaldı. Bundan ğayrı, temelli tamirniñ ekinci basamağına köre yapılacaq işlerge buyurdıq. Birinciden, soqaq yarıqlatuvınıñ pekitilmesi", - aytıp berdi o.
Mâsoyedovge köre, işçiler Pavlenko soqağından Kiyevskaya soqağınace çoyun qoranı qoydı, Kuybışeva ve Sadovaya soqaqlarında ise, iş devam ete.
O, Aqmescitte Küçük Salğırnıñ doquz köprü tamir etilgenini de qoştı.
Tamirniñ 14 kilometri (süret toplamı)
Mayıs 29-ında Aqmescit akimiyeti, Salğır yalısınıñ temelli tamiri başlanğanını bildirgen edi. Daa evel tender neticelerine köre, tamir işlerini yapacaq şirket kibi “Asgard” işhanesi saylandı. Evelce bu işhane “nezaketli insanlar”ğa abide qoyğan edi ve Puşkina soqağınıñ bir qısmını tamir etken edi.
2018 senesi Aqmescit özenleriniñ yataqlarınıñ temizlemesini yapmaq içün leyha azırlamaq içün “Asgard” 15 million ruble alğan edi.
Malenkoğa köre, Aksönov sentâbrgece işni bitirmege buyurdı.
“Asgard” öz işi içün 498,259 million ruble soradı.
