Çarşenbe künü, aprelniñ 24-ünde Aqmescitte bir qaç soqaqta yarıq söndürilecek. Bu aqta “Krımenergo” müessisesiniñ saytında bildirile. Qayd etile ki, bunıñ sebebi - elektrik tayanğıçlarnıñ deñiştirilmesi.
Hususan, saat 8:00-dan saat 17:00-ğace böyle adreslerde yarıq olmaycaq: İndustrialnıy aral., 1-9, 41; Kalinina soq., 20-28, 33-37; Kalinina soq.; Spera soq., 24-66, 37-53; Eskadronnaya soq., 16, 15-23.
Aprelniñ 23-ünde saba saat 9:30-da Aqyar merkezi yarıqsız qaldı. Qırım.Aqiqat mühbiri bildirgenine köre, Nahimova caddesinde, Lazarev meydanında, Odesskaya ve Bolşaya Morskaya soqaqlarında üçfenerler çalışmadı.
Aprelniñ 22-sinde bazarertesi künü Keriçniñ merkeziy rayonı yarıqsız qaldı.
Martnıñ 18-inde Rusiye prezidenti Vladimir Putin Aqyarğa keldi, anda ise Balıqlava TES-iniñ açılışında iştirak etti.
Martnıñ 18-nde Rusiye prezidenti Vladimir Putin Aqyarğa keldi. O, işğal etilgen Qırımda Siemensturbinalı eki elektrostantsiyasınıñ işke başlamasını buyurdı. Videoda onıñnen beraber Tavriya issilik elektrostantsiyası ve Tamandaki «Port» alt stantsiyasınıñ mütehassısları bar edi.
2015 senesi dekabr ayından başlap, Herson vilâyetinde elektrik direkleriniñ bozulmasından sebep, Qırımğa qıtaiy Ukrainadan elektrik aqımı toqtatıldı. Şimdiki vaqıtta Qırım özü çıqarğan energiya, Rusiyeden yarımadağa ketirilgen generator ve Rusiyeniñ Krasnodar vilâyetinden keçirilgen energo köpür ile elektriknen temin etile.
2016 senesi baarde rus energoköprüniñ üçünci pıtağı işini başlağanına baqmadan, Qırımda yarıq söndürmeleri devam etmekte. 2015 senesi dekabrden başlap Herson vilâyetinde energetik tiremelerniñ bozulğanından soñ, Ukrainadan Qırımğa elektroenergiya berilmey. Şimdilik Qırım öz generatorları, Rusiye generatorları ve Kuban energoköprüniñ elektrik ağını qullana.
