İyülniñ birisinden başlap Aqmescit (Simferopol), Yalta ve Aluştada şeer trolleybuslerniñ ücreti 17 rüblege qadar paalılaştı. Qırım fiyat ve tarifleri Devlet Komitetinde haber etkenleri kibi, yol ücretini deñiştirmek muracaatı "Krımtrolleybus" müessisesinden keldi.
Qırım fiyat ve tarifleri Devlet Komitetiniñ reis muavini Aleksandr Ponomaröv, tarif köterilgenini tefsir etip, "fiyat paalılaşqanı, yol ücretini iqtisadiyat tarafından kerekli seviyege ketirmeknen bağlı", dep ayttı.
"Tarif tayininde közde tutulğan tedbirler, müessiseniñ donatmasınıñ yañartmasınen ve trolleybuslarnıñ aqşam ve gece vaqtında yürmesinen bağlı", - dep qoştı o.
Aqmescit, Aluşta ve Yalta şeer trolleybuslarında yol ücreti 14 rüble edi.
2019 senesi aprel 1-inden Qırımda şeer avtobuslarınıñ fiyatı paalılaştı.
2019 senesi yanvar 1-inden Kezlev tramvaylarında yol ücreti bir rublege paalılaştı.
