2019 senesi yanvar 1-inden Kezlev tramvaylarında yol ücreti bir rublege paalılaşacaq. Bu aqta Kezlev rusiyeli memuriyetiniñ matbuat hızmetinde haber ettiler.
“İ.A. Pâtetskiy adına tramvay idaresi, Kezlev tramvaylarında yolcular yürsetmesiniñ yañı tarifi tayinlengenini bildire. 2019 senesi yanvar 1-inden yol ücreti 15 ruble olacaq”, - denile beyanatta.
Matbuat hızmeti, tarif köterilgeniniñ yarımadanıñ Fiyat ve tarifler boyunca Devlet komitetiniñ emri sebep olğanını añlattı.
Şimdilik bu naqliyatta yürüv fiyatı 14 rübleni teşkil ete.
