2019 senesi aprel 1-inden Qırımda şeer avtobuslarınıñ fiyatı paalılaştı. Bu aqta Qırım fiyat ve tarifler Devlet komitetiniñ matbuat hızmeti bildirmekte.
“Qabul etilgen tarif qararlarına binaen, Aluşta, Aqmescit, Canköy, Kefe, Keriç, Yalta ve Kezlev şeerlerinde yol ücreti 17 ruble olacaq, Saq, Sudaq ve Bağçasaray şeerlerinde ise 15 ruble”, - denile beyanatta.
Aprel 1-ine qadar Aqmescit avtobuslarında yol ücreti 13 ruble edi. Yaltada - 13 ruble marşrutkalarda ve 14 - trolleybuslarda. Keriçte marşrutkanıñ fiyatı 13 ruble edi, avtobus ve tramvaylarnıñ ise - 15 ruble.
