AQŞ-nıñ OSCEde elçisi James Gilmore Rusiyeniñ qırımtatar Ruslan Bekirovnıñ bıltır yazda basqı altında başqa siyasiy mabüske qarşı bergen şaatlıqnıñ keri qaytarğanı sebebinden 2020-nci yıl iyün 11 tarihinde cinaiy dava açılması qararını tekbih etti.
"Bekirovnıñ, FSB-niñ salâhiyetlerinden aşqanı ve onı vesiqanı imzalamaq içün qorquzğanı aqqında beyanatını tahqiq etmek yerine, akimiyet Bekirovnı "sahte şaatlıq"ta qabaatladı. Bu adımlar Rusiyeniñ parlaq kelecegine kelişmey ve bunıñ yerine onı eski zamanlarnıñ tedbirlerine qaytara, bu, keşmiş degiil de, kelecek aqqında laf yürsetilgende, siziñ OSCEde zenaatdaşlarıñız, dostlarıñız ve vatandaşlarıñıznı pek raatsızlay", - dedi iyün 18-inde elçi.
AQŞnı, mayıs 30-ında Rusiye nezaretindeki akimiyet tarafından tutulğan ukrain arbiy adamlarınıñ sağlığı qasevetlendire ve o olarnı ve qanunsız tutulğan başqa ukrainlerni acele azat etmege çağırta, denile Gilmortnıñ beyanatında.
Gilmor, dinini kütkenleri içün tutulğan üç qırımlı bulunğan Rostov-na-Donudaki SİZOlarda koronavirusnıñ yayılması aqqında beyanatlarğa diqqat ayırdı.
Ukrainada Amerika Qoşma Ştatları elçiligi, Rusiyedeki tahqiqat izolâtorında koronavirus hastalığı yayılğanı sebebinden ukrain siyasiy mabüslerni azat etmek çağırışlarını ğayrıda tekrarladı.
"Rusiyede bir qaç ukrain siyasiy mabus aqsız olaraq apis etilgen bir tahqiqat izolâtorında COVİD-19 hastalığınıñ tez yayılıp başlağanından raatsızlanamız. Rusiyeni bütün ukrain siyasiy mabüslerni deral azat etmege çağırtamız", - denile Ukrainada AQŞ elçiliginiñ elçiliginiñ beyanatında.
