Link açıqlığı

Saatnıñ esas haberi

Ana, qadın ve küreşçi: Liana Cemadenovanıñ ikâyesi


Liana Cemadenova

Bugün Rusiye nezaretindeki Qırım mahkemeleriniñ ükümleri neticelerinde yüzden çoq bala babasız qaldı. Kimer cocuqlar babanı mektep bayramında körmez, baba qızını toy künü ozğarmaz, baba sportçu oğlunı yarıştan soñ quçaqlamaz. Bu balalarnıñ bazıları doğğanından berli babasını körmedi. Olarnıñ babaları siyasiy mabüslerdir.

Ana qorantanı birleştire, o, eki adam yerine balalarını baqa, östüre. Şimdi ise ana - küreşçi de oldı.​

Qırım.Aqiqat Qırımdaki siyasiy davalar iştirakçileriniñ ömür qadınları aqqında ikâye ete. Bu yayında Liana Cemadenova aqqında tarif etecekmiz (Mümine Saliyevanıñ ikâyesini mında oquñız).

Как женщины противостоят российским репрессиям | Крым.Реалии ТВ (видео)
Bekleñiz, lütfen

No media source currently available

0:00 0:25:10 0:00


"Babamnı yiberiñiz"

Cemadenovlar qorantasınıñ kencesi - Asiya - babasını yalıñız mahkemede kördi, qızçıq, babası tutılıp alınğanından doquz kün keçken soñ dünyağa keldi. Üç yıl devamında aile, qoranta başı ve babasız yaşay.

Emil Cemadenovnı Rusiye FSBsi hadimleri, 2016 senesi tutıp aldı. Onı "Hizb ut-Tahrir" teşkilâtına aitliginde qabaatlap, 12 yılğa maküm ettiler. O terrorcılıq qabaatlavnı red ete, qorantası ise, olarnın diniy sebepler ile taqip eteler, dep tüşüne.

«Babamnı azat etiñiz». Emil Cemadenovnıñ qoranta ikâyesi (video)
Bekleñiz, lütfen

No media source currently available

0:00 0:03:47 0:00

Biz sade bir qoranta edik, balalarımıznı östüre, terbiyeley edik, çalışa edik, kerek olğanda cemaatçılıqnen oğraşa edik - bala bayramlarınıñ keçirüvinde yardımcı ola edik ya da özümiz olarnı azırlay edik. Dinimizni küte edik - beş vaqıt namaz, oraza, acılıqqa barıp keldik, bu qadar", - aytıp bere mabüsniñ ömür arqadaşı Liana Cemadenova.

Tevqiften soñ balalarım, babasını tek mahkeme ayatında ya da qoradan körip oldı. Bir sefer olar beraber toplanıp, mahkeme binasınıñ yanında turıp, bir ağıznen: "Yiberiñiz!", dep qıçırdı.

"Oña bunı eşitmek ne qadar ağır olğanını añlayım. Bir tüşünip baqıñız, maşnada otura, qapı-pencereleri açıq, oğlanlarım ise: "Babamnı yiberiñiz!", dep qıçıra", - hatırlap ayta Liana.

Onıñ aytqanına köre, evlerini belli olmağan adamlar közetkenini köre.

"Nasıldır çet bir adam kamerağa fenernen yarıq etti. Bir kün evel sport kiyiminde, kapüşonnen ve fenernen yürgen adamnıñ suretini kördik", - dey Liana.

Aqmescit "Hizb ut-Tahrir davası"nıñ iştirakçileri mahkeme binasında, Rusiye, 2019 senesi, aprel
Aqmescit "Hizb ut-Tahrir davası"nıñ iştirakçileri mahkeme binasında, Rusiye, 2019 senesi, aprel

Qadın, aqaysız qıyın olğanını ayta. Amma, Liana, başqalardan destek körgenini qayd ete.

"Qomşular bizge muqaytça oldı. Bir qomşumız bar, olar hristianlar, üç oğlu bar. Bir sefer evge qaytam, yanıma kelip: "Aqayıñız nasıl?", dep soradı. Men deyim: "Olğanı kibi, deñişmeler yoq". O ise: "Dayanıñız, sabır etiñiz, bu eñ müimi, biz de qorantañız içün ve aqayıñız içün dua etecekmiz", - dep hatırlay Liana.

Devamı bar..

XS
SM
MD
LG