Qırımnıñ rusiyeli başı Sergey Aksönov Keriçni mayıs 15-inde ziyaret etecek ola, ondan soñ o Yaltağa baracaq ola. Bu aqta o Qırım parlamentiniñ oturışında ilân etti, dep bildire Qırım medialarsı.
“Şimdi ekinci sefer aylanıp baqacaqmız. Yarın Keriçke ketemiz - berilgen buyruqlarnı yerine ketirdilermi, yoqmı baqacaqmız. Çoqusını maña canı ağıracaq dep evelden aytam. Yarın Keriç, aqşamğa endi keyfleri bozulır, o birisi kün Yalta”, - dedi Aksönov.
Keçken yılnıñ soñundan Aksönov, “memuriy terror” çerçivesinde Qırım şeerlerinde köçme oturışlanı ötkere.
Fevralniñ 21-nde Keriçniñ Rusiye memuriyetiniñ toplaşuvında, Kreml kontrolindeki Qırım yolbaşçısı Sergey Aksönov Keriçniñ Rusiye memuriyetine çöplük çıqarılmasınen bağlı meseleni al etmege emir etti: 30 kün içinde çöplük içün yañı yerlerni tapıp, şeer içindeki eski soylarını qullanmamaq kerek. Em de o zaman Aksönov, Keriç mer muavini Dilâver Melgaziyevni vazifesinden boşatmağa emir etti.
Keçken yılnıñ soñundan berli Aksönov, Qırım şeerlerinde köçme oturışlarnı keçire. O Keriç, Yalta, Kefe, Aluşta, Ermeni Bazar şeerlerine barğan edi.
