Link açıqlığı

Saatnıñ esas haberi

«Sistemağa uyğun kelmedi» – Qırım.Aqiqat Daily


Sorğular, tevqifler ve narazılıqlar aqqında esas şeyler.

Keçken afta Rusiye telükesizlik hadimleri tarafından yaqalanğan qırımtatar iş adamı ve hayriyecisi Resul Velilâyev eki ayğa tevqif etildi ve Moskvadaki «Lefortovo» tahqiqat izolâtorına yollanıldı. İçtimaiy ağlarda, «repressiyalar katogı er bir kişini basıp keçmek mümkün», dep yazalar. Velilâyevni ne sebepten taqip eteler – Qırım.Aqiqat Radiosı efirinde al etemiz.

Suhbetmi ya da sorğumı?

«Sadece suhbet etecekmiz…» Tahqiqatçıdan bunı eşitseñ, ne yapmalı? Advokat Oksana Jeleznâk, suhbetniñ sorğudan farqını ve bu vaziyette insan özüni nasıl tutmaq kerek olğanını añlata.

Suhbet, sorav protokolı ya da, başqaca, sorav veraqası şeklinde qayd etile – o, protsessual vesiqa olmayıp, delil olaraq qullanılmaz. Sorğu protokolı şeklinde qayd etilgen sorğu ise – protsessual areketler sırasına kire. Sorğuda bütün aytqan şeyleriñizniñ neticeleri ola bilir.

Sorğuda ne yapmalı

İlk evelâ – advokatnı celp etmek. Sıq-sıq olğan şey: insannı şaat olaraq sorğulaylar, ondan soñ ise bu ifadeler esasında o, şübheli ve qabaatlan ola, dey Oksana Jeleznâk. İşte bu sebepten öz vaqtında advokatta muracaat etmek kerek – o, aqqıñıznı tafsilâtlı surette añlatır.

Sorğuğa şaat sıfatında çağırılğanda neler yapılacağı aqqında bu yerde añlatamız. Şübheli tanılğan şahıs ne yapmalı, bu yerde oquñız.

Unutmañız! Özüñiz, yaqınlarıñız ve aqrabalarıñızğa qarşı şaatlıq etmemege ve iç bir ifade bermemege aqqıñız bar!

Qırım izolâtorlarınıñ sırları

Qırım ombudsmeni Lüdmila Lubina Aqmescit tahqiqat izolâtorında ciddiy bir problemalar tapmadı. Mabüslerniñ aqrabaları ve advokatları ise izolâtordaki «felâketli vaziyet» aqqında çoqtan berli aytalar. Ve iş yalıñız tutuluv şaraitlerinde degil – aq-uquq qorçalayıcıları tahqiqat izolâtorındaki ölümler sebebinden telâşlana. Bu hususta belli olğan bütün tafsilâtlar aqqında – bu maqalede ikâye etemiz.

Ticaret merkelerzi kilitli

Bütün Qırımda bir-biriniñ artından ticaret merkezleri ve medeniyet muessiseleri qapala – prokuratura, teşkerüvler esnasında anda yanğın telükesizligi qaideleriniñ buzuluvları tayin etildi, dep bildire. Bazı obyektlerdeki vaziyet aqqında daa tafsilâtlı surette ikâye etemiz.

Narazılıqlarda teneffüs dögmesi basıldı

Ermenistanda narazılıqlar ğayrıdan başlandı: olarda iştirak etkenler Cumhuriyet fırqasınıñ akimiyetten çekilmesini ve baş nazir vazifesine muhalefet lideri Nikola Paşinânnıñ tayin etilmesini talap eteler. Narazılıq köstergenler metro, demiryol, bir qaç avtomobil yolu ve ava limanınıñ yolunda sed çektiler. Daa soñra Nikola Paşinân tarafdarlarını «teneffüs alıp raatlanmağa» davet etti.

Suvuq cenkniñ travması

Moskva bundan soñ da, er kesni özüniñ yañı Sovet Birligi olğanında qandırıp, keskinleşmeler doğuracaq. Lâkin Kreml Ğarp ile añlaşıp olamaz. Ne içün – Павел Казарин.

XS
SM
MD
LG