Link açıqlığı

Saatnıñ esas haberi

Rusiyeli küç idaresiniñ hadimleri Qarasuvbazarda kütleviy tintüvler keçirdi. «Degirmenge» qırımtatar iş adamı ve cemaat erbabı Resül Velilâyevke bağlı olğan evler ve iş obyekteleri tüşti.

Rusiye taqiqat komiteti Velilâyevniñ «KrımOpt» şirketine qarşı cinaiy iş açtı. Ukraina bunı repressiyalarnıñ devamı dep saya. Bu husus aqqında tafsilâtlıca malümatnı bizim materialımızda tapa bilesiñiz.

Devlet bir aşlav kibi

«Aksönov ve Qırım ükümetiniñ temsilcileri, dersiñ, devletni bir aşlav dep köreler» - dep yaza Vitaliy Portnikov öz maqalesinde.Onıñ fikrine köre,olarnıñ «Rusiye vatanperverleri» emir kelgen maalde türtip çıqtı. «Devlet olar içün – deger degil de, zenginleşüv vastası sayıla. Olar bütün samimiyetinen hainlik yapmağa aqqı bar dep sayalar» - dep yaza köşe yazıcısı.

«Qırım jurnalistikasınıñ seviyesi»

Qırımnıñ rusiyeli ükümetiniñ neşiri sayılğan «Krımskaya gazetası» altındaki: «Almaniyanıñ siyasiy ve arbiy erbabı» degen yazı ile Adolf Hitlerniñ portretini derc etti. İctimaiy ağlarda qavğa çıqacağını çoq beklemege acet yoq edi – gazeta atta öz hadimini bile işten boşatmağa mecbur qaldı. Bizim taqrizimiz şu yerde.

Şölkino özek şeeri

1986 senesi Çernobılde yüz bergen facianıñ neticesi olaraq Qırımnıñ Şölkino qasabasında özek elektrik stantsiyanıñ qurulışı toqtatıla. 80% azır olğan ve sovet rublesi olaraq millionlarca para masraf etilgen bina şimdi taşlanıp ketken alda tura. Biz o yerni ziyaret eterek, güzel bir reportaj azırladıq.

Qısqaca

Kseniya Sobçak «Qırımğa barmağa niyeti olmağanı aqqında» ayttı.

Aqyarda mahkeme rusiyeli «ROT Front» firqası üceyresiniñ faaliyetini toqtattı.

Kyivde Rusiye elçihanesi ögünde «FSBge telefon açıñız» şiarı altında bir aktsiya ötkerildi.

Rusiye elçihanesi ögünde faaller ğayıp olğan Qırım sakinleriniñ tapılmasını talap etken aktsiya ne şekilde keçkenini baqıñız.

XS
SM
MD
LG