Link açıqlığı

Qırım advokatları Semedlâyev ve Kürbedinovğa ait tehnikanıñ tevqifi bir ayğa qadar uzatıldı


Advokatlar Edem Semedlâyev ve Emil Kürbedinovnıñ ofislerinde tintüv, 2017 senesi yanvar 26 künü

Qırımdaki Rusiye uquq qoruyıcıları advokatlar Edem Semedlâyev ve Emil Kürbedinovğa ait tehnikanıñ tevqif etilmesini uzattı.

«Tehnikamıznıñ tevqifini 30 künge qadar uzatqanlarını tünevin ögrendik. Şimdilik elnen yaza, başqasınıñ tehnikasını qullanamız. Şimdilik böyle çalışamız», – dep bildirdi fevral 3-de Edem Semedlâyev Qırım.Aqiqatqa.

Yanvar 26-da advokatlarnıñ ofisinde ve Emil Kürbedinovnıñ evinde tintüvler olıp keçti. Bütün tehnika tutıp alındı.

Advokat Emil Kürbedinov yanvar 26 künü Bağçasarayda Rusiyeniñ silâlı hızmetleri tarafından yaqalandı. O qırımtatar faali Seyran Saliyevniñ evine, adliyeviy yardım bermek içün kete edi. Aqmescitniñ Demiryol rayon mahkemesi advokat Emil Kürbedinovnı Memuriy qanun bozuvları Kodeksiniñ 20.3 maddesi (Natsist timsalleriniñ teşviqatı ve açıq numayışı) boyunca qabaatlı olaraq tanıdı ve 10 künge apis etti.

Kürbedinov siyasiy davalarnı baqqan eñ eyi Qırım advokatlarından biridir. O ve zenaatdaşları apiske alınmasını advokat faaliyetine keder etmek ıntıluvı olaraq tanıylar.


XS
SM
MD
LG