Link açıqlığı

Qırımtatar Milliy Meclis reisiniñ muavini İlmi Umerovğa qarşı yañı iddianame FSB tarafından bazarertesi, yanvar 30 künü taqdim etilecek. Bunı Radio Svoboda muhbiri bildire.

Jurnalist, Umerovnıñ böyle sözlerini ketire: «Mennen bağlı olmağan sebeplerden bu işni bazarertesine (yanvar 30 kününe – QA) keçirdiler».

Meclis reisi muavininiñ sözlerine köre, başqa künge keçirüv – Umerovda qalğan yekâne advokat Edem Semedlâyev yanvar 27 künü «26 fevral işi» boyunca mahkeme toplaşuvında bulunğanı sebebinen (bu ceryandaki diger advokatlarnı çetleştirdiler), advokatsız ise yañı şekilde qabaatlavnı Umerov qabul etmege niyetli olmağanınen bağlıdır, dep qayd etti jurnalist.

Bundan evel İlmi Ümerov FSB taqiqatçısı onı çağıttırıp «qabaatbı yañı şekilde» taqdim etmege istegenini haber etken edi.

İlmi Ümerovnıñ qızı Ayşe 2016 senesi dekabr 30-da bildirdi ki, babası Rusiye maliye monitoringi federal hızmetiniñ saytında derc etilgen terrorist ve ekstremistler cedveline kirsetilgen. Onıñ nomerası 5826. Umerov, bu cedvelge kirsetilmesine qarşı mahkemede itiraz bildirmege niyetli olğanını beyan etti.

XS
SM
MD
LG