Link açıqlığı

Al-azırda Aqmescitte apiste yatqan Qırımtatar Milliy Meclisiniñ reisi Ahtem Çiygoz sürgünlik yıllığında semetdeşlerine muracaat etti.

Ahtem Çiygoznıñ mektübini ömür arqadaşı Elmira Ablâlimova Facebookta paylaştı.

«Halqımıznıñ başına bir sıra sınav keldi, ve bizler olarnı şeref ile yeñemiz. Bizni apishane ve lagerler yoq etemez! Tintüv ve apis cezaları qorquzamaz! Qoqlalar aldatamaz! Qırım artıq iç bir vaqıt qırımtatarlarsız olmaz!», – dep aytıla mektüpte.

Meclis reisi Refat Çubarov bildirdi ki, Çiygoznıñ mektübi Kyivde keçirilecek Umumukrain matem mitinginde seslendirilecek.

Ahtem Çiygoz 2015 senesi yanvar 29-dan itibaren Aqmescitt apiste yata. Aprel 29-da onıñ apis cezası kene uzatıldı – mayıs 22 kününe qadar.

Rusiye kontrol etken Qırım Yuqarı mahkemesi mayıs 13-te «fevral 26 işi» iştirakçileri Ahtem Çiygoz ve Ali Asanovnıñ apis cezasını uzatma şikâyetlerini red etti.

18 mayıs – Qırımdan qırımtatar halqınıñ sürgünlik qurbanlarını añma künüdir. 1944 senesi yarımadan Orta Asiyağa qırımtatarlarnıñ birinci eşelonı yollandı. Cemi olaraq tahminen 180 biñ insan sürgün etildi.

Ukrainada qırımtatar sürgünligi genotsid olaraq tanıldı. Memlekette bunıñnen bağlı matem tedbirleri keçirilmekte. Sürgünlik qurbanlarını çetelde de añalar.

Er yıl Qırımda sürgün kününe bağışlanğan kutleviy tedbirler keçirile edi, şu cümleden matem mitingi. Amma 2014 senesi mart ayında Rusiye yarımadanı işğal etken soñ böyle bir tedbirlerniñ Aqmescit merkezinde keçirilüvi yasaq etildi.

Kyiv ve bütün Ukrainada bir sıra tedbirler keçirilecek: kütleviy mingler, mekteplerde qırımtatar halqınıñ sürgünligine bağışlanğan dersler. Ukraina

Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG