Özüne bizler qırımlılar kim olğanını nasıl añlatmaq mümkün? Qırım toprağında çılğın 2014 senesiniñ fevral-mart aylarını körgen insanlardır. Bizler ukrain, rus, qırımtatar ve Qırımnıñ çeşit halqları. Er biriniñ – öz milliy tamırları bar. Ana tillerimizni bile ve sevemiz. Lâkin men Ukrainada epimiz, öz memleketniñ vatandaşları, devlet tili ukraince bilgenimizden ğurur duyam.
Çoqumız rusça laf ete ve tüşünemiz – Sovetler birliginiñ mirasıdır.
Tabiiy bir al. Şimdi ise Qırımda rusça berilgen sualge aylanıp «añlamayım» aytacağım kele, ve öyle de yapam.
Menim içün Qırımda Vatanımıznıñ büyük satqınları yoq, qıtaiy Ukrainadan kelgenler eñ büyük satqınlardır. Ternopol, Sumı, Vinnitsadan kelgenler... Ana toprağında soy-sopları olğan ve kerçek ukrain soyadları olğan insanlar. Bir çoqnı bir vaqıtları Qırımğa aliy oquv yurtları yollağan ediler.
Ukraina Qırım ile demir yol ve diger alâqalarını lâğu etti – Men qarşı degilim. Qıtadaki soy-soplarnen bağ tutmaq istegeniñizni tek şimdi añladıñız
Lâkin 2014 senesiniñ masqara Qırım baari vaqtında bizler – Qırımnıñ etnik ukrain ve rusları qırımtatarlarnen beraber – açuvlanıp, dost ve aqrabalarımızğa öz memleketini satmaq mümkün olmağanını añlatqan olsaq, olar birinci saflarda «referendumğa» çapa ediler. Olar iç tüşünmeyip, başqa devletniñ arbiy ve devlet hızmetine keçe ediler. Şimdi yabancı devlet olarnı işten boşata, cinaiy işlerni aça, men ise can-yürekten olar içün quvanam. Niayet, istegenini aldılar.
Tanışlarımnıñ olarnı aqlağan ve «referendum» vaqtında meni açuvlandırğan «men qarşı degilim» lafları şimdi menim ağzımdan sıq-sıq çıqa. Men quvana-quvana onı olarğa ve olar kibi insanlarğa qaytaram.
– Ukraina Qırım ile demir yol ve diger alâqalarını lâğu etti – Men qarşı degilim. Qıtadaki soy-soplarnen bağ tutmaq istegeniñizni tek şimdi añladıñız.
– Aqmescit, Yaltada urba bazarlarını qapatalar – Men qarşı degilim. Men anda bir şey almayım ve para qazanmayım.
– Turistler az, plâjlar boş. Kâr yoq – Men qarşı degilim. Mence – yerli sakinlerge raatlanmaq daa güzel.
– Qırımnın meşur ayvanat bağçasına inkişaf etmege bermeyler ve sıqıştıralar – Men qarşı degilim. İşğalcilerge ve «samooboronağa» (Allahım, afu et) bir degil, eki «taygan» avtobusnı bermek kerek edi.
– Aqyar topraqlarını belgisiz şahıslarğa bereler – Men qarşı degilim. Kremlniñ qaşqırlarını mototsikllerde körip quvana ve ayrette qalğan ediñiz.
Qırımnıñ bugüni aqqında resim.
Üç bayraqlı resim birden assotsiatsiyalarnı doğura.
Yımşaq teri... Balzak, amma üç renkli yımşaq teri... Kimge ve ne içün can satıldı? Kimniñ arzuları içün eksile?
Qısqartılğan trikolor. Ümüt etem ki, neticede o menim toprağımdan ketecek.
Ukraina, Mustaqillik künüñ hayırlı olsun! Bizim mustaqilligimiz hayırlı olsun!!! Qırımlılar devletini unutmadılar. Memlekette onıñ vatanperveri olmaq qolay, işğalde ise nasıl etip vatanperver olıp qalacaqsıñ?
Balalarına Vatan – Ukraina olğanını hatırlatmaq. Er daim turmuş seviyesinde etraftakiler ile ahlâq mevzusında davalaşmaq, parlaq turmuş vaqiaları ile isbatlamaq... Er şey balqurtlarda kibi yavaş-yavaş. Çünki şimdi öz printsiplerini açıq bildirmek – işğal etilgen topraqnı terk etmek demektir. Men bunı yapamayım – Qırım küneşi altındaki yerimni başqasına beremem – yoq, sağ oluñız. Bizler Qırım qapularını öz memleketine açacaq insanlardan birileri (mında çoqmız) olacaqmız, amma, memleketimiz, bizge yardım et! Qıbırda! Vatanperverler ukrain telekanallarını uydu vastasınen baqalar, internet saifelerini baqalar, şu cümleden Rusiye saytlarını – Artazırlıq – Vâçeslav Maltsev ile yaramay haberler (tevsiye etem!!!), Rusiyege qoltutqanlar bunı baqmaycaqlar. Amma bataqlıq da bar: körgenini qabul etemiz. İnternet kerekmey. Demek, çareñiz TV olacaq! Qırım vatandaşlarımızğa yardım eteyik. Tehnikiy meselelerni pek bilmem, amma Herson uzaq degil, zemaneviy imkânlar çoq.
Varvara Qırımlı, rusça laf etken, ukrain olaraq tüşüngen qırımlı
«Bloglar» rubrikasında bildirilgen fikir-tüşünceler müelliflerniñ noqtaiy-nazarlarını aydınlatıp, muarririyetniñ baqışları ile aynı olmaması mümkün