Anastasiya Mihaylovskaya
Aqmescit – Ukraina prezidenti Leonid Kuçmanıñ qararı ile 17 yıl evelsi Qırımda qurulğan birinci ukrain gimnaziyası, soñki vaqıtqace yarımadada «ukrainli ada» olaraq olıp qalmaqta edi. İşğal etilgen Qırımnıñ akimiyeti bu oquv yurtunı ruslaştırıp başladılar. Gimnaziyada tasil berilgen tilni deñiştirmege istekleri yetmegen, endi damında Rusiye bayrağını tiklegenler.
Yañı akimiyetniñ basqısı altında vazifesinden vazgeçken sabıq mektep müdiri Natalya Rudenkonıñ aytqanına köre, iç bir mektepniñ damına bayraqnı tiklemek adeti yoq. Devlet timsalleri daima binanıñ içersinde bulunalar. Bundan da ğayrı, mektepke kirişte flagştoklar mevcut, anda daima mektep, Ukraina ve Qırım bayraqları asılı turğan.
«Rusiye bayrağını kerek yerine degil de, biz bayramlarnıñ timsallerini yerleştirgen damda tiklegenleri, belli bir numayıştır. Asılında devlet bayraqlarını mekteplerde degil, ükümet binlarında tikleyler», – qayd etti Natalya Rudenko.
Oquv yurtnıñ şimdigi reberi – ukrain gimnaziyasında müdir vazifesini eda etken Yelena Beznişçenko emin, bayraqnı qanun boyunca astılar ve bu noqtada dava çıqmamaq kerek. «Biz Rusiye Federatsiyasında yaşaymız, rusiyeli bayraq asılmaq kerekligi aqqında qarar bar, onıñ iççün biz onı tikledik», – dedi Beznişçenko.
Natalya Rudenkonıñ fikirince, er alda bu kibi qarar ana-babalar komitetiniñ iştiraginen qabul etilmek kerek. Amma, Beznişçenkonıñ izaatlarına köre, ana-babalardan bir kimse bir şey soramadı.
Bazı talebelerniñ ana-babası bunıñnen bağlı öz qasevetini bildirdiler. Bir qısımı, ukrain gimnaziyası olğanı kibi qalmaq kerekligini qayd ettiler. Digerleri, yalıñız Rusiye bayrağınen sıñırlanmamağa teklif ettiler.
Birinci sınıf talebesi – Ruslannıñ anası Qırım.Aqiqatqa şunı ayttı: «Qırımda 3 devlet tili mevcut, bu sebepten üç bayraq asılı turmaq lâzim. Balam endi sorap otura, ne içün aynı bu bayraqnı tiklediler».
Ukrain gimnaziyası Rusiye bayrağı asılğan yekâne mektep degil. Böyleliknen, Keriçteki 1-nci ihtisas mektebinde bayraq asılğan tura. Aqmescitteki 9-nci mektep ondan örnek aldı. Ve bu cedvel ep artacağına oşay. Devlet timsalleriniñ qullanuvını keñişletken Rusiye qanuna köre, devletniñ bayrağı bütün oquv yurtlarınıñ binalarında tiklenmek kerek.
Aqmescit – Ukraina prezidenti Leonid Kuçmanıñ qararı ile 17 yıl evelsi Qırımda qurulğan birinci ukrain gimnaziyası, soñki vaqıtqace yarımadada «ukrainli ada» olaraq olıp qalmaqta edi. İşğal etilgen Qırımnıñ akimiyeti bu oquv yurtunı ruslaştırıp başladılar. Gimnaziyada tasil berilgen tilni deñiştirmege istekleri yetmegen, endi damında Rusiye bayrağını tiklegenler.
Yañı akimiyetniñ basqısı altında vazifesinden vazgeçken sabıq mektep müdiri Natalya Rudenkonıñ aytqanına köre, iç bir mektepniñ damına bayraqnı tiklemek adeti yoq. Devlet timsalleri daima binanıñ içersinde bulunalar. Bundan da ğayrı, mektepke kirişte flagştoklar mevcut, anda daima mektep, Ukraina ve Qırım bayraqları asılı turğan.
«Rusiye bayrağını kerek yerine degil de, biz bayramlarnıñ timsallerini yerleştirgen damda tiklegenleri, belli bir numayıştır. Asılında devlet bayraqlarını mekteplerde degil, ükümet binlarında tikleyler», – qayd etti Natalya Rudenko.
Oquv yurtnıñ şimdigi reberi – ukrain gimnaziyasında müdir vazifesini eda etken Yelena Beznişçenko emin, bayraqnı qanun boyunca astılar ve bu noqtada dava çıqmamaq kerek. «Biz Rusiye Federatsiyasında yaşaymız, rusiyeli bayraq asılmaq kerekligi aqqında qarar bar, onıñ iççün biz onı tikledik», – dedi Beznişçenko.
Natalya Rudenkonıñ fikirince, er alda bu kibi qarar ana-babalar komitetiniñ iştiraginen qabul etilmek kerek. Amma, Beznişçenkonıñ izaatlarına köre, ana-babalardan bir kimse bir şey soramadı.
Bazı talebelerniñ ana-babası bunıñnen bağlı öz qasevetini bildirdiler. Bir qısımı, ukrain gimnaziyası olğanı kibi qalmaq kerekligini qayd ettiler. Digerleri, yalıñız Rusiye bayrağınen sıñırlanmamağa teklif ettiler.
Birinci sınıf talebesi – Ruslannıñ anası Qırım.Aqiqatqa şunı ayttı: «Qırımda 3 devlet tili mevcut, bu sebepten üç bayraq asılı turmaq lâzim. Balam endi sorap otura, ne içün aynı bu bayraqnı tiklediler».
Ukrain gimnaziyası Rusiye bayrağı asılğan yekâne mektep degil. Böyleliknen, Keriçteki 1-nci ihtisas mektebinde bayraq asılğan tura. Aqmescitteki 9-nci mektep ondan örnek aldı. Ve bu cedvel ep artacağına oşay. Devlet timsalleriniñ qullanuvını keñişletken Rusiye qanuna köre, devletniñ bayrağı bütün oquv yurtlarınıñ binalarında tiklenmek kerek.
