Naciye Femi
Aqmescit – Rusiye tarafından işğal etilgen Qırımda eñ çoq telüke astındaqırımtatarlar ve etnik ukrainliler bulunalar. Monitoring komissiyası işiniñ neticelerine köre, bu kibi qararnı insan aqları boyunca Birleşken Milletler Komitetiniñ Yuqarı Komissarı İdaresi seslendirdi. Qırımtatarlarnıñ aqları ise, daa sıq bozulıp başladı. «İmaye» vekillerniñ qanunsız areketleri ve yerli militsiyanıñ indememezligi sebebinden qırımtatar qurbanlarınıñ sayısı arta.
Rusiye akimiyeti vekilleriniñ qırımtatar aqlarını qorçalamaq vadelerine baqmadan, işğal etilgen Qırımda tamır halqnıñ eñ esas aq-uquqları bozulıp turmaqta. Meclis reisi Refat Çubarovnıñ Azatlıq Radiosına bildirgen malümatına köre, bu kibi adiselerniñ misali olaraq aprel ayında Aqmescitte yüz bergen vaqia ola bile.
«Evniñ azbarında bir gruppa buluna edi – köteklengenniñ qomşuları. Olarnıñ arasında tanış olmağan bir insan bar edi. Adı Kostâ eken, o, bu azbarda yaşaycağını bildirip, saibine evni satmağa rica etti. Yoq, cevabını eşitken soñ, Kostâ qorquzıp başladı. Neticede, erkekni yahşı etip köteklediler, diagnozı da endi belli. Aprel 18 künü o militsiyağa ariza yazdı. Bugünki künge qadar yerli militsiya hadimi bile oña kelmedi», – dedi Refat Çubarov.
Vesiqalarnı köstermege istemegenlerni kötek bekley
Qanunsızlıqnıñ areketiniñ soñki misali olaraq Qırım Meclis azası Abduraman Egizge yapılğan ücümni añmaq mümkün. O, «imaye» temsilcilerine vesiqalarnı köstermege red etti.
«Olarnıñ kiyimlerinde olğan erkek, maña nasıldır vesiqanı kösterdi, amma o resmiy kibi körünmedi. Onıñ içün, men politsiya kelgenini talap ettim. Olar diñlemediler, kelepçeler kiygizdiler, ondan soñ, dava başlandı», – dedi Abduraman Egiz.
Soñundan «imaye» temsilcileri onı yiberdiler, amma areketlerini añlatmadılar ve afu soramadılar. Bundan evel qırımttar Meclisi yarımadada «qanunsızlıqnıñ esas qaynağı» olğan ve silâlanğan «imaye» vekillerini dağıtmağa çağıra edi. Amma, Qırım akimiyeti «imaye» temsilcilerini ep destekle
Aqmescit – Rusiye tarafından işğal etilgen Qırımda eñ çoq telüke astındaqırımtatarlar ve etnik ukrainliler bulunalar. Monitoring komissiyası işiniñ neticelerine köre, bu kibi qararnı insan aqları boyunca Birleşken Milletler Komitetiniñ Yuqarı Komissarı İdaresi seslendirdi. Qırımtatarlarnıñ aqları ise, daa sıq bozulıp başladı. «İmaye» vekillerniñ qanunsız areketleri ve yerli militsiyanıñ indememezligi sebebinden qırımtatar qurbanlarınıñ sayısı arta.
Rusiye akimiyeti vekilleriniñ qırımtatar aqlarını qorçalamaq vadelerine baqmadan, işğal etilgen Qırımda tamır halqnıñ eñ esas aq-uquqları bozulıp turmaqta. Meclis reisi Refat Çubarovnıñ Azatlıq Radiosına bildirgen malümatına köre, bu kibi adiselerniñ misali olaraq aprel ayında Aqmescitte yüz bergen vaqia ola bile.
«Evniñ azbarında bir gruppa buluna edi – köteklengenniñ qomşuları. Olarnıñ arasında tanış olmağan bir insan bar edi. Adı Kostâ eken, o, bu azbarda yaşaycağını bildirip, saibine evni satmağa rica etti. Yoq, cevabını eşitken soñ, Kostâ qorquzıp başladı. Neticede, erkekni yahşı etip köteklediler, diagnozı da endi belli. Aprel 18 künü o militsiyağa ariza yazdı. Bugünki künge qadar yerli militsiya hadimi bile oña kelmedi», – dedi Refat Çubarov.
Vesiqalarnı köstermege istemegenlerni kötek bekley
Qanunsızlıqnıñ areketiniñ soñki misali olaraq Qırım Meclis azası Abduraman Egizge yapılğan ücümni añmaq mümkün. O, «imaye» temsilcilerine vesiqalarnı köstermege red etti.
«Olarnıñ kiyimlerinde olğan erkek, maña nasıldır vesiqanı kösterdi, amma o resmiy kibi körünmedi. Onıñ içün, men politsiya kelgenini talap ettim. Olar diñlemediler, kelepçeler kiygizdiler, ondan soñ, dava başlandı», – dedi Abduraman Egiz.
Soñundan «imaye» temsilcileri onı yiberdiler, amma areketlerini añlatmadılar ve afu soramadılar. Bundan evel qırımttar Meclisi yarımadada «qanunsızlıqnıñ esas qaynağı» olğan ve silâlanğan «imaye» vekillerini dağıtmağa çağıra edi. Amma, Qırım akimiyeti «imaye» temsilcilerini ep destekle
