Qırımnıñ Yedi Quyu rayonında Ekinci Cian cenkinden qalğan 415 patlayıcı nesneni yoq ettiler, bildire Rusiye FVN-niñ Qırımdaki matbuat hızmeti.
Qayd etilgenine köre, arbiy yedeklerge oşağan şübeli nesne tapılğanı aqqında haber yerli sakinlerden keldi. Teşkerüv neticesinde patlayıcı nesneler belgilendi. Yedi Quyu rayonınıñ Bagerovo köyünde 2,5 killogramlıq eki ava bombası ve 413 ava bombalarınıñ patlatıcıları tapıldı.
"Patlayıcı nesnelerni çıqardılar, alıp kettiler ve mahsus poligonda patlattılar", - denile beyanatta.
Aprelde Keriçte Mayak qasabası yanında deñizde eki metr terenlikte Ekinci cian cenkinden qalğan doquz ava bombası tapıldı.
Daa evel Qırımnıñ Yedi Quyu (Leninskiy) rayonında Ekinci Cian cenkinden qalğan 9 avia bombasını areketsiz alğa ketirdiler.
İyül 7-sinde 20 kilogrammlıq bombanı Körpe (Kalinovka) köyünde açıq meydançıqta taptılar.
Rusiye FVN-niñ Qırım idaresi, Qırımnıñ Yedi Quyu (Leninskiy) rayonında iyülniñ 7-sinde Ekinci Cian cenkinden qalğan avia bombasını areketsiz alğa ketirdiler, dep bildire müessiseniñ matbuat hızmeti.
Qırım ve Aqyarda Ekinci Cian Cenkinden soñ topraqta qalğan mermiler ara-sıra tapıla. Yarımadada minasızlaştıruv taqımları çalışa.
