Rusiye Fevqulâde Vaziyetler Nazirliginiñ matbuat hızmeti bildirgeni kibi, Keriçte Mayak qasabası yanında deñizde eki metr terenlikte Ekinci cian cenkinden qalğan doquz ava bombası tapıldı.
"50 kilogrammlıq bir yüksek patlayıcı bomba (FAB-50), 2,5 kilogrammlıq bir parçalanma bomba (AO-2,5), 10 kilogrammlıq yedi parçalanma bomba (AO-10) tapıldı. Tapılğan telükeli nesnelerniñ tayinlemesi ve quvetsizleştirmesini Rusiye FVN-niñ Qırım idaresiniñ mahsus otrâdı yaptı", - denile beyanatta.
Daa evel Qırımnıñ Yedi Quyu (Leninskiy) rayonında Ekinci Cian cenkinden qalğan 9 avia bombasını areketsiz alğa ketirdiler.
İyül 7-sinde 20 kilogrammlıq bombanı Körpe (Kalinovka) köyünde açıq meydançıqta taptılar.
Rusiye FVN-niñ Qırım idaresi, Qırımnıñ Yedi Quyu (Leninskiy) rayonında iyülniñ 7-sinde Ekinci Cian cenkinden qalğan avia bombasını areketsiz alğa ketirdiler, dep bildire müessiseniñ matbuat hızmeti.
Qırım ve Aqyarda Ekinci Cian Cenkinden soñ topraqta qalğan mermiler ara-sıra tapıla. Yarımadada minasızlaştıruv taqımları çalışa.
