"Qırım ailesi" cemaat teşkilâtı, Qırım, qırımtatarlar, medeniyet ve sanat tarihı aqqında onlayn tasil platformasını, bir sıra video lektsiyalarnı ve distantsion derslerni taqdim etti. Bundan ğayrı, Ulkrainada talebeler içün ukrain ve qırımtatar tillerinde ilk eki tilli tarih dersligi neşir olunacaq. Tasil kursunıñ müellifleri arasında rejissör Ahtem Seytablayev, çölmekçi ve ressam Rustem Skibin, alıp barıcı ve yırcı Elzara Batalova ve meşur Qırım tarihçıları Gülnara Bekirova ve Andrey İvanets bar.
Bekir Ablayev, tarih ocası
Mavı ve sarı renkli "Bilgi" logotipi astında "Qırımtatarlar: Tarih. Medeniye. Sanat" adlı onlayn tasil programmasını artıq içtimaiy ağlarda tapmaq mümkün. Sentâbr ayında Qırım ve qıta Ukrainada olğanlar içün Qırım ve qırımtatarlarnıñ tarihına dair 15 video lektsiyalı kurs başlaycaq, mında müellifler qırımtatar halqınıñ ayatından esas faktlarnıtaqdim etecek ve medeniyet em sanat aqqında lektsiya keçirecek. Kurs iştirakçileri ocalarğa sual bere bilecekler. Dersler "Zoom" hızmetinde keçirilecek ve qayd etilmeden soñ açılacaq.
Derslerniñ azırlavında belli qırımtatar ve ukrain tarihçılar, ressamlar ve medeniyetşınaslar iştirak etti.
"Qırımtatarlar: Tarih. Medeniyet. Sanat" leyhasını logotipi
Sarı ve mavı renkli logotip üzerinde El cheber studiyasından zenaatdaşları ile çölmekçi ve ressam Rustem Skibin çalıştı. Rustem Skibin onlay kurslarda el sanatı derslerini berecek, er kesni qırımtatar örneginiñ tehnikası ve tarihınen tanıştırır.
Qırımtatar rejissörı Ahtem Seitablayev qırımtatar teatr ve kinosı aqqında derslerni keçirecek.
Ahtem Seitablayev
Muzıka ve yırlar aqqında qırımtatar alıp barıcısı ve yırcı Elzara Batalova aytıp berecek.
Elzara Batalova
Qırımtatar tarihçısı Gülnara Bekirova talebeler içün ilk derslikniñ üç bölüginiñ müellifi oldı. Onıñ aytqanına köre, kitapta qırımtatarlarnıñ tarihınıñ bütün devirleri kösterilecek: etnogenez, Qırım hanlığınıñ şekillenüvi ve mevcudiyeti, Rusiye imperisyası terkibindeki devir, yigirminci asırda Qırım ve qırımtatarlarnıñ tarihından vaqialar, zemaneviy kerçekler.
Gülnara Bekirova
Mektep dersliginiñ ekinci müellifi, Qırım tarihçısı Andrey İvanets, bu kitap vaqtında peyda ola dep tüşüne, çünki, onıñ fikrince, ukrain cemiyette Qırım ve qırımtatarlarnıñ tarihı aqqında bilginiñ yetmemezligi duyula.
"Qırımtatarlar: Tarih. Medeniyet. Sanat" dersleriniñ azırlanuvı
"Qırım ailesi" cemaat teşkilâtı, bu leyha Qırımda, qıta Ukrainada ve onıñ tışında qırımtatar halqınıñ tarihı, medeniyeti ve sanatı aqqında tam bir kursnı taqdim etmek ilk ıntıluvıdır, deyler.
"Qırım ailesi" Qırımnıñ ilhaqından soñ kütleviy tarzda Ukrainanıñ qıtasına çıqıp ketken qırımtatarlarnıñ milliy ve medeniy mirasını saqlamaq içün yapılğan bir teşkilâttır. Teşkilâtqa onlarce köçmege mecbur olğan qırımtatarlarnıñ, Ukraina askerlerniñ, ATO iştirakçileriniñ qorantaları qoşuldı. Teşkilâtnıñ reberi - Anife Kurtseitova.
Bugün "Qırım ailesi" esasında medeniyet ve tasil merkezi bar, anda 100-den çoq bala tasil ala. Merkezde qırımtatar tili ve edebiyatı, muzıka ve oyun, tarih ve milliy nağış dersleri bar.
Anife Kurtseitova
Leyha Ukraina Medeniyet Merkezi, Ukraina Tasil ve İlim Nazirligi, Qırımtatar Milliy Meclisiniñ destegi ile çalışa. Leyhanıñ müellifleriniñ fikrince, yañı tarih dersligi, onlayn tasil platforması, video lektsiyalar ve distantsion dersler qırımtatar medeniyet institutlarınen tanış olmağa istegenlerge yardımcı olur.