Aqmescitte, fevral 20-sinde yanıp başlağan, plastmassa zavodınıñ binasına yanğın söndürici maşnalar ep kelmekte.
Qırım.Aqiqat mühbiri bildirgeni kibi, qara tütün bulutı şeer merkezine uzana, o vaqia yerinden uzaq yerlerden de körüne.
Yanğın söndürici maşnalar, Transformatornaya, 7 soqağında yerleşken zavodnıñ kirişinde suv ala.
Anbar damınıñ tübünden alevler körüne ve şifer çatlağanınıñ sesleri eşitile.
Transformatornaya soqağında yol areketi qapatılmağan edi.
Your browser doesn’t support HTML5
Пожар в Симферополе: горит завод пластмасс (видео)
Zavod hadimleri adise aqqında tefsir bermey.
Daa evel Aqmescitte plastik zavodı yanğanı bildirildi. Al-azırda alev 700 metre kâreni qaplap aldı.
Tünevin Aqmescit rayonınıñ Şumhay (Zareçnoye) köyünde ev yandı, yanğın neticesinde binanıñ damı çökti.
Fevralniñ 5-inde Kezlevde (Yevpatoriya) çoq qatlı binada yanğın çıqqanından bir insan elâk oldı, 17 ev sakini tahliye etildi, olarnıñ arasında bir bala dep bildirile edi.