Link açıqlığı

Saatnıñ esas haberi

Aqmescit rayonı köyünde yanğın neticesinde ev damı çökti - qurtarıcılar


Körgezme süreti
Körgezme süreti

Aqmescit rayonınıñ Şumhay (Zareçnoye) köyünde ev yandı, yanğın neticesinde binanıñ damı çökti, zararlanğanlar yoq, dep bildire Rusiye FVN-niñ Qırım idaresi.

Beyanatqa köre, yanğın tünevin oldı, ev sakinleri vaqtında binadan çıqıp yetiştiedi.

“Birinciden qurtarıcılar yerni teşkerip, gaz balonını evden çıqardı. Yanğından bir hane, aşhane, ayat zarar kördi ve bazı şahsiy eşya, savut-saba yanı. Damnıñ bir qısmı çökti”, - denile bildirmede.

Müessiseniñ haber etkenine köre, yanğın 50 metr kvadratnıqaplap aldı, sebepleri teşkerile.

Fevralniñ 5-inde Kezlevde (Yevpatoriya) çoq qatlı binada yanğın çıqqanından bir insan elâk oldı, 17 ev sakini tahliye etildi, olarnıñ arasında bir bala dep bildirile edi.

XS
SM
MD
LG