Rusiyeniñ "Yujnaya" taşıyıcısı şirketi, aprel ayında Qırımda "Aqyar - Aqmescit - Kezlev" ekspress poyezdiniñ yürip başlaycağını ilân etti.
Bunımartnıñ 16-sında taşıyıcınıñ matbuat hızmeti bildirdi.
"Aprelden başlap yarımadada şeerler arasında eki qolay elektrik poyezd qatnap başlaycaq. Olar Aqyar ve Kezlev şeerleri arsında yürecek", - haber ete matbuat hızmeti.
Şirketniñ malümatına köre, poyezdler künde üç kere Bağçasaray, Aqmescit ve Saqta toqtav yapıp qatnaycaq.
"Yol ücreti - 250 rublege yaqın. Aqyardan Aqmescitkece 30 daqqalıq yol, Kezlevden Aqmescitkece 27 daqqalıq. Soñki turaqqa qadar 2 saat 40 daqqa", - bildirdiler taşıyıcınıñ matbuat hızmetinde.
Martnıñ 7-sinde ilhaq etilgen Qırımnıñ Keriç şeerinden qomşu Rusiyeniñ Krasnodar ülkesiniñ Anapa şeerine elektrik poyezdni yiberdiler.
Your browser doesn’t support HTML5
Биотуалеты и сортировка мусора: поезд «Москва – Симферополь» изнутри (видео)
Dekabrniñ 23-ünde Rusiye prezidenti Vladimir Putin Keriç boğazından keçken köpründe poyetlerniñ yürmesini başladı.
Keriç köpründen keçken ilk 100 rusiye poyezdi 85 biñ yolcunı taşıdı.
QMC prokuraturası Keriç köpründen ilhaq etilgen Qırımğa Ukraina devlet sıñrından adamlarnıñ qanunusız keçirilmesi sebebinden cinaiy dava açtı.