Keriçte, kütleviy öldürüvniñ qurbanları içün 40 künlük matem müddetine, evel azırlanılğan şeñlendirici merasimlerni lâğu ettiler. Buıñ içün oktâbr 22-sinde şeerniñ rusiye memuriyeti zaber etti.
“Keriç politehnik köllecinde elek olğanlarğa yana. Büyük qayğı epimizni birleştirdi. 40 künlük matem müddetinde şeerniñ deyerli bütün cemaat teşkilâtları evel azırlanılğan merasimlerini lâğu etti”, - dep aytıla beyanatta.
Bundan ğayrı, Keriç politehnik kölleciniñ studentlerini oquv devamı meselesi boyunca teşkiliy toplaşuvğa davet etildi. Toplaşuv oktâbr 23 künü saat 8:30 Voykova soqağı, 5-inci ev adresindeki 3-ünci korpusta keçirilecek.
Rusiye ve işğal etilgen Qırımnıñ hastahanelerinde Keriç köllecinde ucudan yaralanğan 46 adam alâ daa bulunmaqta, olarnıñ üçü ağır alda. Qırım hastahanelerinde, Keriçte zararlanğan 14 ösmür ve 11 büyük bulunmaqta.
Your browser doesn’t support HTML5
«Я до сих пор в это не верю». Очевидцы керченской трагедии (видео)
Patlav ve atışuv çarşenbe künü, oktâbrniñ 17-nde, Keriç politehnik kollecinde oldı. Rusiye Tahqiqat komitetiniñ malümatına köre, Keriç politehnik kollecinde olğan patlavnı 4-ünci kurs studenti, 18 yaşında Vladislav Roslâkov kerçekleştirdi. O, «özüni öldürdi». Şeerniñ Rusiye akimiyeti, facia neticesinde 21 insan elâk oldı, dep bildirdi. Bundan soñ Qırımda üç künlik matem ilân etken edi.
Oktâbrniñ 19-nda elâk olğanlar Keriçte ve Yedi Quyu rayonında defin etildi. Keriçteki politehnik köllecinde kütleviy öldürüv qurbanlarınen vedalaşmaq içün biñlernen insan keldi.
Qırım Muhtar Cumhuriyetiniñ prokuraturası Keriç politehnik köllecinde olğan patlavnı terror ücümi olaraq tasnif ete.