Doğma qırımtatar olğan ukrain yırcısı Camala, öz toyunda yırlağanından memnün qalmağanı aqqında itiraf etti.
Bunıñ aqqında Qırım.Aqiqatqa eksklüziv intervyüsinde ikâye etti.
«Men toyda bu türküni yaramay yırladım. Asıl itiraf etmey edim, amma bu menim eñ fena çıqışım edi. Nefesim tutula edi. Er kün bunı yapam, amma mında mikrofonnı alıp sözlerni unutqanımnı añladım, bu şok edi. Menim içün bu yañı men edi», – ikâye etti Camala.
Onıñ aytqanına köre, "Lübıtı" türküsi asıl klip degil edi.
«Er kes toyda toy videosını çeke, ve bizim de toyumıznı bütünley videoğa çektiler. Toyda daa men özüm yırladım. Videocılar begendi ve klip yapıp qoydılar. Muzıkalı kanal telefon etip, bu videonı almaq istegenini aytqanda taaciplendik. Men atta içtimaiy ağlarğa yüklegende, bu aileviy arhiv olğanını qayd ete edim», – ayttı yırcı.
Yırcınıñ yaşayışı soñki yılda nasıl deñişkeni aqqında Qırım.Aqiqatqa berilgen büyük intervyüniñ birinci qısmında oquñız “Men özümni pek dülber is ete edim”. Camala - yüklülik ve oğul doğuvı aqqında".
Daa evel Camala, yañı "Krıla" albomına kirgen The Great Pretender türküsine muzıkalı videonı taqdim etecek.
Qırımtatar asıllı ukrain yırcısı Camala 2016 senesi İsveçte (Şvetsiyada) keçken «Eurovision» yarışında ğalebe qazandı. O, qırımtatar halqınıñ sürgün etilüvi aqqında «1944» yırını icra etip, yeñdi. Ukrain yırcınıñ ğalibesinden soñ 2017 senesinde yarış Kyivde ötkerildi.