Qırım.Aqiqat muarririyeti, sentâbrniñ 4-nde qırımtatar faali Nariman Celâlnıñ evinde keçirilgen tintüvniñ foto ve videolarını elde etip oldı.
Nariman Celâlnıñ ömür arqadaşı Leviza. Biy Tanış, 2021 senesi sentâbrniñ 4-ü
Biy Tanış köyünde Nariman Celâlnıñ evi ögünde, 2021 senesi sentâbrniñ 4-ü
Leviza Celâl. Biy Tanış, 2021 senesi sentâbrniñ 4-ü
Nariman Celâlnıñ ömür arqadaşı Leviza evlerinde keçirilgen tintüv aqqında tarif etti.
VİDEO
«Rusiye quvetçileri saba 7-de evimizge sürip kirdi»: Nariman Celâlnıñ ömür arqadaşı tafsilâtlarnı aydınlattıHatırlatamız, Aqmescit rayonınıñ Biy Tanış köyünde sentâbrniñ 4-nde saba Nariman Celâlnın evinde tintüv keçirildi, bundan soñ onı mavı Volkswagen mikroavtobusınen alıp kettiler. Qırımtatar Milliy Meclisiniñ reisi Refat Çubarov Nariman Celâl Qırım ve Aqyardaki Rusiye FSBsiniñ binasında buluna, dep yazdı Facebookta.
Çubarovnıñ fikirince, Qırımda sentâbrniñ 3-4-nde başlağan yañı tintüv ve apiske aluv dalğası, hususan qırımtatar faali Nariman Celâlnıñ tutuluvı, Rusiye akimiyetiniñ Ukraina tarafından teşkil etilgen «Qırım platformasınıñ» sammiti içün intiqam ola.
Ukraina prezidentiniñ Qırım Muhtar Cumhuriyetindeki daimi temsilciligi qırımtatar faali Nariman Celâlnıñ tutuluvını tefsir etip, Rusiye uquq qoruyıcılarınıñ «Qırımtatar Milliy Meclisiniñ vekillerini taqip etüvnen» bağlı adımlarını takbih etti.
Ukraina Yuqarı Radasınıñ İnsan aqları vekâletlisi Lüdmila Denisova sentâbrniñ 4-nde qırımtatar faali Nariman Celâlnıñ tutuluvını Telegramda yazıp, «Rusiye FSBsiniñ hadimleri işğal etilgen Qırımda sahte davalar esasında Ukraina vatandaşlarınıñ evlerine sürip kirmege devam ete», dep ayttı.
Sentabrniñ 4-nde gece qırımtatar areketiniñ faali Nariman Celâl, Aqmescit rayonınıñ Biy Tanış (Pervomayskoye) köyünde saat 1:00 civarlarında Rusiye polisiniñ hadimleri Aziz Ahtemovnıñ evini tintti, soñra ise Ahtemovnı belli olmağan yerge alıp ketti, dep yazdı Facebook saifesinde.
«Qırım birdemligi» cemaat birleşmesiniñ soñki malümatına köre, Rusiye quvetçileri işğal altındaki Qırımda sentâbrniñ 3-4-nde beş insannı tutıp aldı: Aziz Ahtemov, Asan Ahtem, Nariman Celâl, Eldar Odamanov, Şevket Useinovnı.
Nariman Celâl – qırımtatar siyasetçisi, oca, siyasetşınas ve jurnalist. 2013 senesinden başlap Qırımnıñ Rusiye tarafından işğal etilüvinden soñ Meclis faaliyeti yasaqlanğanına qadar Qırımtatar Milliy Meclis reisiniñ birinci muavini, informatsion-analitik bölüginiñ reberi.
Hatırlatamız, Aqmescit rayonınıñ Biy Tanış köyünde sentâbrniñ 4-nde saba Nariman Celâlnın evinde tintüv keçirildi, bundan soñ onı mavı Volkswagen mikroavtobusınen alıp kettiler. Qırımtatar Milliy Meclisiniñ reisi Refat Çubarov Nariman Celâl Qırım ve Aqyardaki Rusiye FSBsiniñ binasında buluna, dep yazdı Facebookta.