Link açıqlığı

Saatnıñ esas haberi

Qırımda qırımtatar faali Nariman Celâl tutuldı – faaller


Nariman Celâl, arhiv fotoresimi
Nariman Celâl, arhiv fotoresimi

Qırımnıñ Aqmescit rayonındaki Biy Tanış (Pervomayskoye) köyünde Qırımtatar Milliy Meclisiniñ reis muavini Nariman Celâlnıñ evinde tintüv keçirildi. Onı mavı Volkswagen mikroavtobusınen alıp kettiler.

Tintüv Aqmescit rayonınıñ Biy Tanış köyü, Lenin soq., 113 adresi boyunca keçirildi, dep bildire «Qırım birdemligi» cemaat birleşmesi.

«Faallerniñ bildirgenine köre, Nariman Celâlnı mavı Volkswagen mikroavtobusınen alıp kettiler. Uquqiy yardımnı advokat Emine Avamileva kösterecek», – dep aytıla haberde.

İşğal etilgen Qırım müessiseleri bu malümatnı şimdilik tasdıqlamadı.

Hatırlatamız, sentabrniñ 4-nde gece qırımtatar areketiniñ faali Nariman Celâl Aqmescit rayonınıñ Biy Tanış (Pervomayskoye) köyünde saat 1:00 civarlarında Rusiye polisiniñ hadimleri Aziz Ahtemovnıñ evini tintti, dep yazdı Facebook saifesinde.

Nariman Celâl – qırımtatar siyasetçisi, oca, siyasetşınas ve jurnalist. 2013 senesinden başlap Qırımnıñ Rusiye tarafından işğal etilüvinden soñ Meclis faaliyeti yasaqlanğanına qadar Qırımtatar Milliy Meclis reisiniñ birinci muavini, informatsion-analitik bölüginiñ reberi.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG