Dekabrniñ 24-nde Rusiye ordusı Herson vilâyetine 71 kere ateş açtı. Soñki malümatqa köre, 16 insan can berdi, 68 kişi yaralandı. Darbeler Hersonnıñ merkezine, hususan bazar ve tükânğa endirildi – Milât bayramına bir şeyler almağa çıqqan barışıqsever sakinler elâk oldı. Yaralanğanlarnıñ qursaq, baş ve köz yaraları bar, ayaqları kesildi, dep yaza «Nastoyaşçeye Vremâ» (RFE/RL şirketi tarafından «Amerikasınıñ Sesi» iştirakinen quruldı).
Hersonğa ve vilâyetke açılğan ateş ve işğalden soñ şeerniñ ğayrıdan tiklenmesi aqqında Herson vilâyeti şurasınıñ yolbaşçısı Oleksandr Samoylenko tarif etti.
– Raatlıq künleri Hersonğa endirilgen darbelernen bağlı aktual malümat ne? Yañı raqamlar ne? Qaç kişi elâk oldı ve yaralandı?
– Umumen aytsaq, cumaertesinden evel cuma edi, olar ateş etip başlağanlardır. Aqşam üstü şeerniñ merkezine darbe endirildi. Çoq şükür, raqamlar böyle degil edi, amma elâk olğan da, bir qaç yaralanğan da bar. Tibbiy müessiseler zarar kördi, bir hastahane bütünley yoq etildi.
Cumaertesi ise – bilesiñizmi, bu bir rus eglencesi kibi. Daa evel bayramlar ögüne yumruq köteklerinen eglene ediler, amma yumruq köteginde özlerini köstergenleri qadar pek küçlü olmağanları içün şeer ve vilâyetke ateş eteler. cumaertesi künü 16 insan elâk oldı ve 68 kişi yaralandı. Vilâyet merkeziniñ raqamı aydınlatılğan edi – saba ücüminde 10 kişi can berdi.
Cumaertesi ise – bilesiñizmi, bu bir rus eglencesi kibi. Daa evel bayramlar ögüne yumruq köteklerinen eglene ediler, amma yumruq köteginde özlerini köstergenleri qadar pek küçlü olmağanları içün şeer ve vilâyetke ateş eteler. cumaertesi künü 16 insan elâk oldı ve 68 kişi yaralandı. Vilâyet merkeziniñ raqamı aydınlatılğan edi – saba ücüminde 10 kişi can berdi.
2022 senesi dekabrniñ 24-25-nde Hersonğa açılğan ateş neticeleri
– 16 ve 68 – bütün Herson vilâyetindemi?
– E, 16 ve 68 – Herson vilâyetinde. Üç kişi vilâyetni mayınlardan temizlemege kelgen Jıtomır sakinidir. Çünki Rusiyeniñ Hersonda yapqan atış ve kereksiz şeylerden ğayrı, Ukrayınanıñ eñ çoq mayını qoyulğan vilâyetimiz bar. Bunı endi er kes tanıdı. Şunıñ içün er bir vilâyetten kelgen mütehassıslarımız bar, şeer ve vilâyette normal yaşayış qurmamızğa yardım etmege kelgenler.
– Ya tünevin, bazar künü, Hersonğa kene ateş açtılarmı?
Umumen tünevin 31 kere ateş etildi
– Ateş oldı. Umumen tünevin 31 kere ateş etildi. Amma, çoq şükür, insanlar yerli akimiyet ve prezidentniñ çağıruvlarına qulaq asqandır ve telüke signallarına emiyet berip, şeerde olğan bütün sığınaqlarnı qullandı. Cumaertesi olğan ücümden soñ vilâyetniñ merkezini ve azat etilgen yaqın topraqlarnı terk etken insanlarımız bar.
2022 senesi dekabrniñ 24-25-nde Hersonğa açılğan ateş neticeleri
– Amma bu daa qıyın. Kyivge raketa atılsa, o, çoq uça, onı qayd etmek mümkün. Hersonğa toplardan ateş etile. Bu nasıl çalışa? Darbeler endirilecegini qaydan bilesiñiz?
Hersonlılarğa, ukrayınalılarğa, insanlıqqa qarşı planlaştırılğan bir genotsid aktsiyası yapıldı
– Evelden bilmege zor ola. Doğrusını aytayıq, bu «Grad», «Katüşalar» keçken asırnıñ daa 30-ıncı yıllarından berli bar edi. Şunıñ içün tehnologiyalar ceetinden pek ilerilemedi. Bu snarâdnıñ uçuş tezligi, tecribeme köre aytam, çıqqanı pek yahşı eşitilse, tahminen beş-altı saniyede kele. Amma insan pek yahşı diñlese, ebet, er bir hersonlı bugünki künde çıqqanını ve kelgenini pek yahşı añlay, inanıñız. Şunıñ içün uzaqta bir yerde çıqsa, insanlar eki divar qaidesini qullanmağa tırışa. Bugünki künde bu vaziyette küreşmek içün pekitilgen pek çoq yer bar. Devlet müessiselerinde qum tolu çuvallar bar. Amma ne de olsa, toplardan kimse qorunmay.
Cuma aqşamı şeerniñ merkezinde bir hastahanege ne içün ateş etile añlamayım, tek binanı yoq etmek içün ola bile. Cumaertesi aqşamı, em de Milât bayramı ögüne, merkeziy bazarğa ne içün ateş etile – vatandaşlar anda kele. Şeerimiz cenüpte yerleşe, çarşı bir küç yeridir, er kes anda toplaşa. Cuma, cumaertesi ve bazar – bazar künleri, insanlar tek almağa degil, laf etmege, haber almağa, bir şeyler paylaşmağa kele. Şunıñ içün hersonlılarğa, ukrayınalılarğa, insanlıqqa qarşı planlaştırılğan bir genotsid aktsiyası yapıldı.
2022 senesi dekabrniñ 24-25-nde Hersonğa açılğan ateş neticeleri
– Saba saat 11-de, insanlar bazarğa ketken vaqıtta, ateş açıldı. İşğalden soñ Hersonnıñ ğayrıdan tiklenmesini aytsaq, şeerde energetika, suv teminlevi ne vaziyette?
– Hersondaki vaziyet bu büyük istilâ devamında eñ qıyın olğandır. Amma vilâyetniñ merkezinde elektrik energiyası ve suv teminlevi ğayrıdan tiklendi. Olmasa da, tek ateşler sebebinden olmay. Energetika ve kommunal hızmetlerniñ hadimlerine er şeyni tez vaqıtta ğayrıdan tiklegenleri içün pek minnetdarım. Çünki eñ büyük darbelerden soñ bile elektrik ve suv bir künde berile. Er şey bar.
Qızdıruv vaziyeti daa zor, çünki sıcaq energetikası olarnıñ daa bir maqsadı ola – olarğa ücüm etilgen soñ ğayrıdan tiklemek qat-qat zor ola. Şunıñ içün yayınıñızdan faydalanıp, ketken Herson sakinlerine muracaat etmege ister edim, soy-soplarına tesir etip, azat etilgen regionımızdan insanlarnıñ tahliyesini teşkil etmege yardım etsinler, arbiylerimizge vazifesini yapmağa imkân bersinler. Şeerni ğayrıdan tiklermiz. Şeerimiz küçlüdir. Cenkniñ ilk künlerinde nafile qaraman şeer olmadı. Eminim, eñ qısqa müddet içinde onı ğayrıdan tikleycekmiz. Amma arbiyler, Ukrayına Silâlı quvetleri içün areket kerek.
MALÜMAT: Ukrayınağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.
Aprelniñ başında Moskva Ukrayına şimalinde faal olğanını toqtattı, dep bildirdi. Tezden Ukrayına akimiyeti Kıyiv, Çerniğiv ve Sumı vilâyetinde Rusiye arbiyleri qalmadı, dep ayttı.
Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.
Rusiye Ukrayınağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.