Dünyanıñ çeşit memleketleriniñ diplomatik temsilcilikleri iyünniñ 26-nda qırımtatarlarnıñ milliy bayrağını kötere.
Çeh Cumhuriyetiniñ paytahtı Pragada Ukraina elçihanesinde qırımtatar bayrağı köterildi. Bu aqta Ukraina elçisi Yevğen Perebıynis Twitterde bildirdi.
Усім кримськотатарським братам вітання з Днем прапора з Праги.#CrimeaIsUkraine pic.twitter.com/w5Ln0XaX91
— Yevhen Perebyinis (@YPerebyinis) June 26, 2020
Vilnüste qırımtatar bayrağı Litvaniya Tış işler nazirligi ögünde köterildi, dep bildirdi nazir Linas Linkâviçüs.
Crimean Tatar flag outside🇱🇹MFA. Today, on the 10th anniversary of the Crimean Tatar Flag Day, we honor the Crimean Tatars. We once again reiterate that we do not recognize the illegal annexation of #Ukraine’s🇺🇦 #Crimea & Sevastopol & call on🇷🇺to stop violating international law. pic.twitter.com/8ocMNL57oq
— Linas Linkevicius (@LinkeviciusL) June 26, 2020
Ukrainanıñ Belçika ve Finlândiya elçihaneleri de hayırlavlarğa qoşuldı.
Today we celebrate #CrimeanTatarFlagDay! Since annexation of #Crimea by #Russia in 2014, Crimean Tatars have encountered persecutions & repressions by the occupation authorities. This Flag is a symbol of invincible spirit of Crimean Tatar people.#CrimeaIsUkraine pic.twitter.com/CBkq5cF516
— UKR Embassy in FIN (@UA_Emb_FI) June 26, 2020
Bundan ğayrı, Ukraina ve qırımtatar bayraqları Cezairde köterildi.
Ukrainanıñ OSCE ve BM temsilcilikleri Ukraina Tış işler nazirliginiñ Qırımtatar bayraq kününe bağışlanğan videosını derc etti.
Today is #CrimeanTatarFlagDay.While Russia%27s illegal occupation and attempted annexation of #Crimea continues, nothing can change the fact that #CrimeaIsUkraine.Two flags – one country! pic.twitter.com/RcbIONZRFW
— Ukrainian Mission to OSCE & UN in Vienna (@UKRinOSCE) June 26, 2020
Ukraina prezidentiniñ ofisinde iyünniñ 26-nda qırımtatarlarnı milliy bayraq kününen tebriklep, Rusiye apsinde tutulğan faaller aqqında hatırlattılar.
Qırımtatarlar cuma künü, iyünniñ 26-nda, Milliy bayraq kününi qayd ete.
Qırımtatar Milliy Meclisiniñ reisi Refat Çubarovnıñ bildirgenine köre, Ukraina Tış işler nazirligi dünya boyunca memleket elçihanelerine Qırımtatar bayraq kününde, iyünniñ 26-nda, Ukraina devlet bayrağınen beraber qırımtatarlarnıñ bayrağını kötermege vazife berdi.
Kyivde avtoyürüş ve aqşam üstü tantanalı yürüş ve büyük qırımtatar bayrağınıñ çıqarıluvı planlaştırıla.
Qırımtatar resurs merkeziniñ reberi Eskender Bariyevniñ qayd etkenine köre, Kreml kontrolindeki Qırım akimiyeti qırımtatar faallerine qarşı çift standartlarnı qullana. Böylece, iyünniñ 26-nda Qırımtatar bayraq künü munasebetinen aktsiyalarnıñ keçirilüvine keder etmege tırışa.
Mayısta qomşu Rusiyeniñ «Ekstremist faaliyeti ile küreş» 16-ncı qanunınıñ maddesine köre «qanun bozulmaycağına dair» tenbi kâğıtı 60 insanğa ketirildi. Olarnıñ arasında advokat, aq qorçalayıcı, bir kişilik piketlerniñ iştirakçileri, Qırımtatar Milliy Meclisiniñ azaları, «Qırım birdemliginiñ» falleri bar.
Er yıl iyünniñ 26-nda qırımtatarlar Milliy bayraq kününi qayd ete. Bayram künü olaraq 1991 senesi iyünniñ 26-27-nde Aqmescitte ötkerilgen ekinci Qırımtatar Milliy Qurultayınıñ birinci künü saylânğan edi.
Qırımtatar bayrağı üzerinde altın tamğa tasvir etilgen kök renkli bir bayraqtır. Tantanalı tedbirler em Qırımda, em esas Ukrainada, em çetele ötkerile.