Büyük Britaniya Mudafaa naziirligi, Rusiye haber vastalırınıñ iyünniñ 23-nde Qırımda Fiolent burnu civarında Rusiye devriye gemisi Büyük Britaniya Arbiy-deñiz flotunıñ HMS Defender raketa eskadron mina taşıyıcısına tenbi ateşi açqanı ve Su-24M bombardıman uçağı ise tenbi bombalar atqanı aqqında haberleri tefsir etti.
Nazirlik, «bugün saba HMS Defender Odesadan Qara deñiz yolu ile Gürcistanğa tranzit olaraq keçkenini» bildire.
«O, bu marşrut içün er vaqıt kibi halqara seviyede tanılğan areket ayırma köridoğa kirdi. Deñiz vaqtı ile saat 9:45 bu koridordan çıqtı. Rusiye gemileri onı nezaret etti ve olarnıñ yaqınarında talimler keçirilgen aqqında haberdar ediler», – dep yazdı Büyük Britaniya Mudafaa nazriligi.
“As is normal for this route, she entered an internationally recognised traffic separation corridor. She exited that corridor safely at 0945 BST. As is routine, Russian vessels shadowed her passage and she was made aware of training exercises in her wider vicinity.”2/2
— Ministry of Defence 🇬🇧 (@DefenceHQ) June 23, 2021
Büyük Britaniya Mudafaa nazirliginiñ matbuat hızmetiniñ haber etkenine köre, HMS Defender-ge tenbi ateşi açılmağan:
«Büyük Britaniya ADQ gemisi halqara uquqqa köre Ukraina territrial suvlarından tınç keçe. Ruslarnıñ Qara deñizde artilleriya talimleri keçirgenleri aqqında deñiz toplulığını evelden haberdar ettiler dep tüşünemiz. HMS Defender-ge ateş açılmadı ve onıñ yoluna bombalar atılğanı aqqında haberlerni tanımaymız».
We believe the Russians were undertaking a gunnery exercise in the Black Sea and provided the maritime community with prior-warning of their activity. No shots were directed at HMS Defender and we do not recognise the claim that bombs were dropped in her path.
— Ministry of Defence Press Office (@DefenceHQPress) June 23, 2021
Bugün, Qırımda Fiolent burnu civarında Rusiye devriye gemisi Büyük Britaniya Arbiy-deñiz flotunıñ HMS Defender raketa eskadron mina taşıyıcısına tenbi ateşi açtı, Su-24M bombardıman uçağı ise tenbi bombalar attı.
Ukraina TİN başı Dmıtro Kuleba, Rusiye devri gemisiniñ Fiolent burnu civarında Büyük Britaniya Arbiy-deñiz flotunıñ HMS Defender raketa eskadron mina taşıyıcısına tenbi ateşi açılğanı aqqında matbuattaki haberge cevap berdi.
İyünniñ 21-nde, bazarertesi künü, Odesada Büyük Britaniya Arbiy-deñiz flotunıñ HMS Defender raketa eskadron mina taşıyıcısında Ukraina Mudafaa naziriniñ muavini Alekesandr Mironük ve Büyük Britaniya Mudafaa satın almalar meseleleri naziri Ceremi Kvin Birleşken Qırıllıq ve Ukraina ADQ arasında deñiz işbirligi leyhası aqqında memorandum imzaladılar.
İyünniñ 18-nde Odesa limanına eki NATO gemisi kirdi. Büyük Britaniya ADQ-niñ «Defender» eskadron mina taşıyıcısı (HMS Defender, D36) ve Felemenk ADQ-niñ «Evertsen» Ava mudafaası fregatı (HNLMS Evertsen, ili Zr.Ms. Evertsen, F805).
İyünniñ 23-nde Rusiyeniñ ABD-deki elçiligi Birleşken Devletlerni ve olarıñ ittifaqdaşlarını Qara deñizde arbiy talimlerde iştirak etmemege çağırdı.