Link açıqlığı

Saatnıñ esas haberi

Dmıtro Kuleba, Qara deñizde Büyük Britaniyanıñ eskadron minataşıyıcısınen adise ile bağlı haberge cevap berdi


Ukraina TİN başı Dmıtro Kuleba, Rusiye devri gemisiniñ Fiolent burnu civarında Büyük Britaniya Arbiy-deñiz flotunıñ HMS Defender raketa eskadron mina taşıyıcısına tenbi ateşi açılğanı aqqında matbuattaki haberge cevap berdi.​

«Ukraina mevamınıñ köstermeli isbatı: Rusiyeniñ Qara ve Azaq deñizlerindeki tezavuziyve qızıştırıcı siyaseti, Qırımnıñ işğali ve arbiyleştirilmesi Ukraina ve ittifaqdaşları içün devamlı telüke yarata. Buña köre de, qayd etem ki, Qara deñizde NATO ile Ukraina arasında keyfiyetli yañı qarşılıqlı alâqa vacaip», – dep yazdı Küleba Twitter saifesinde.

Bugün, Qırımda Fiolent burnu civarında Rusiye devriye gemisi Büyük Britaniya Arbiy-deñiz flotunıñ HMS Defender raketa eskadron mina taşıyıcısına tenbi ateşi açtı, Su-24M bombardıman uçağı ise tenbi bombalar attı.

İyünniñ 21-nde, bazarertesi künü, Odesada Büyük Britaniya Arbiy-deñiz flotunıñ HMS Defender raketa eskadron mina taşıyıcısında Ukraina Mudafaa naziriniñ muavini Alekesandr Mironük ve Büyük Britaniya Mudafaa satın almalar meseleleri naziri Ceremi Kvin Birleşken Qırıllıq ve Ukraina ADQ arasında deñiz işbirligi leyhası aqqında memorandum imzaladılar. ​

İyünniñ 18-nde Odesa limanına eki NATO gemisi kirdi. Büyük Britaniya ADQ-niñ «Defender» eskadron mina taşıyıcısı (HMS Defender, D36) ve Felemenk ADQ-niñ «Evertsen» Ava mudafaası fregatı (HNLMS Evertsen, ili Zr.Ms. Evertsen, F805).

İyünniñ 23-nde Rusiyeniñ ABD-deki elçiligi Birleşken Devletlerni ve olarıñ ittifaqdaşlarını Qara deñizde arbiy talimlerde iştirak etmemege çağırdı.

XS
SM
MD
LG